कोरोना भाइरसको भ्याक्सीन बन्यो

प्रकशित मिति : २६ फाल्गुन २०७६, सोमबार २२:२६

महामारी नियन्त्रणमा आउने विश्वास चीनको वुहानबाट सुरु भएको कारोना भाइरसको संक्रमण विश्वका १०१ देशमा फैलिएको छ। कोरोना भाइरसबाट अहिलेसम्म ३८ सय २५ व्यक्तिको ज्यान गएको छ भने १ लाख ८ हजार ६१० जना संक्रमित बनेका छन्। अमेरिका र यूकेका वैज्ञानिकले कोरोना भाइरसको उपचार तथा भ्याक्सिन बनाएका छन्। जसको परीक्षण अर्को महिना मानिसमा गर्ने बताइएको छ। आगामी महिना अर्थात अप्रिलमा यूके र अमेरिकाले कोरोना भाइरसको भ्याक्सिनको परीक्षण गर्ने भएका हुन्। उक्त भ्याक्सिन युनिभर्सिर्टी अफ लण्डन र अमेरिकी औषधि कम्पनी मोडर्ना र इनवोइओले तयार गरेको बताइएको छ। डेलीमेलमा प्रकाशित खबर अनुसार यदी मानिसमा कोरोना भाइरसको भ्याक्सिनको परीक्षण सफल भए तिब्र रुपमा फैलिएको कोरोना भाइरस नियन्त्रण गर्न सकिनेछ।

प्रकशित मिति : २६ फाल्गुन २०७६, सोमबार २२:२६