प्रधानमन्त्री केपी शर्मा ओलीको स्वास्थ अबस्थामा सुधार हुदै

प्रकशित मिति : २७ फाल्गुन २०७६, मंगलवार १०:३५

प्रधानमन्त्री केपि शर्मा ओलीको स्वास्थ्य अवस्थामा सन्तोषजनक सुधार आएको कुरा त्रिवि शिक्षण अस्पतालले जनाएको छ । मिर्गौला प्रत्यारोपणकाे छैटौं दिनको स्वास्थ्य विवरण सार्वजनिक गर्दै अस्पतालका कार्यकारी निर्देशक डा प्रेमकृष्ण खड्गाले ओलीको स्वास्थ्यमा सन्तोषजनक सुधार आएको जानकारी दिएका हुन् ।
‘प्रधानमन्त्री श्री केपी शर्मा ओलीज्यूको मृगौला प्रत्यारोपण गरिएको आज छैठौं दिन, उहाँको स्वास्थ्यमा सन्तोषजनक सुधार भइरहेको छ, उहाँको नियमित खानपान, हिँडडुल र व्यायामलाई निरन्तरता दिइएको छ’, विज्ञप्तीमा भनिएको छ ।
अस्पतालले सार्वजनिक गरेको विज्ञप्तीमा प्रधानमन्त्री ओलीलाई मृगौला दिने समीक्षा संग्रौलाको स्वास्थ्यस्थिति पनि राम्रो रहेको जनाइएको छ ।
तर, जानकारीमा आएन प्रत्यारोपित मिर्गौलाबारे अवस्था
प्रधानमन्त्रीको मिर्गौला प्रत्यारोपणसँगै अस्पतालले नियमित स्वास्थ्य बुलेटिन सार्वजनिक गर्दै आएको छ । सार्वजनिक बुलेटिनमा अस्पतालले प्रधानमन्त्रीले खाना खाएको र अवस्था राम्रो भएको भनेपनि मिर्गौला प्रत्यारोपण गरेका व्यक्तिको महत्वपूर्ण मानिने रिर्पोट बारे भने जानकारी दिएको छैन् ।
मिर्गौला प्रत्यारोपण गरेका व्यक्तिको मिर्गौलाको अवस्था, ब्लड, सुगर, पिशावलगायतका कुराहरुको रिपोर्ट महत्वपूर्णं मानिन्छ । तर अस्पतालले त्यस्ता रिपोर्टहरुबारे जानकारी नदिई स्वास्थ्य अवस्था राम्रो भएको बताईरहेको छ ।

प्रकशित मिति : २७ फाल्गुन २०७६, मंगलवार १०:३५