सागर थापा/महेन्द्र सिंह
बाँकेमा होली पर्वमा अमर्यादित कार्य गरेको अभियोगमा वडा प्रहरी कार्यालय नेपालगन्जले ५९ जनालाई नियन्त्रणमा लिएको छ । जर्वजस्ती रंग र लोला हान्ने, अत्यधिक मादक पदार्थ सेवन गरी हो हल्ला गर्ने सवारी साधन चलाउने, क्षमता भन्दा धेरै यात्रु राख्ने कार्यमा संलग्न भएका ५९ जनालाई नियन्त्रणमा लिएको वडा प्रहरी कार्यालय नेपालगन्जका प्रहरी प्रमुख प्रहरी निरीक्षक हरी बस्नेतले जानकारी दिएका छन् ।
त्यसैगरी उक्त उत्सृंखल कार्यमा प्रयोग भएका १५१ वटा मोटरसाईकल स्कुटी लगाएतलाई नियन्त्रणमा लिएको वडा प्रहरीले जनाएको छ । अपराध नियन्त्रण, शान्ति सुरक्षा कायम गर्ने तथा चाड पर्वलाई मर्यादित बनाउने प्रहरीको बिशेष अभियान अन्तरगत भएको निगरानीमा नेपालगन्जको विभिन्न ठाउँबाट उनिहरुलाई पक्राउ गरिएको र अनुसन्धान भैरहेको प्रहरी निरीक्षक बस्नेतले जानकारी दिएका छ्न ।
