१५ चैत्र २०८०, बिहिबार
28-03-2024 , Thu
×

दाङ प्रहरीले बालविवाह गर्ने र गराउने नियन्त्रणमा

Logo
प्रकाशित बिहिबार, फाल्गुण २९, २०७६

सागर थापा
दाङको घोराहीमा दाङ प्रहरीले बालविवाह रोकेको छ घोराही उपमहानगरपालिका वडा नं. १४ ढोडेनीमा बालविवाह हुँदै गर्दा प्रहरीले रोकेको हो । बालविवाहमा सम्लग्नहरुलाई प्रहरीले पक्राउ गरेर मुद्धा समेत चलाएको छ ।
घोराही उपमहानगरपालिका वडा नं. १३ सेवार बस्ने ३० वर्षीय कृष्णबहादुर केसी दुलाहा, दुलाहीको बुवा ४६ वर्षीय बसन्त भण्डारी र १८ वर्षीया दुलहीलाई प्रहरीले नियन्त्रणमा लिएको थियो ।
दुलहीलाई उनको आमा ४० वर्षीया खिमा भण्डारीलाई जिम्मा लगाईएको छ भने दुलाहा र दुलहीको बुवालाई प्रहरीले मुलुकी अपराध ऐन २०७४ भाग २ को परिच्छेद् ११ को दफा १७३ को बालविवाह गर्न नहुने कसुरमा मुद्धा चलाएको छ । मुद्धा चलाएर आवस्यक अनुसन्धान भैरहेको जिल्ला प्रहरी कार्यालय दाङका प्रहरी प्रबक्ता डिएसपी सुमीत खड्काले बिज्ञपत्ती मार्फत जानकारी दिनुभएको छ ।

कमेन्ट गर्नुहोस्
सम्बन्धित

(एबिसि संचार ) होली खेलेर सुनकोशीमा नुहाउने क्रममा तीन दिनअघि बेपत्ता भएका त्रियुगा नगरपालिका–१४ साउनेकी रेखा मगरको शव बुधबार बिहान फेला परेको छ । जिल्ला प्रहरी कार्यालय उदयपुरका अनुसार आज बिहान साउनेको धाप्लाङदेखि ६ किलोमिटर तल सूर्यढुङ्गा भन्ने स्थानमा १२ वर्षीया रेखा मगरको शव फेला परेको प्रहरीले जनाएको छ ।

(एबिसि संचार ) कैलालीको धनगढीबाट लागूऔषधसहित एक जना पक्राउ परेका छन्। जिल्लाको गोदावरी नगरपालिका–१० का २२ वर्षीय तेजबहादुर बोहरा लागुऔषधसहित पक्राउ परेका हुन्। धनगढी उपमहानगरपालिका–३ बाट उनी ५० मिलिग्राम ब्राउनसुगर र ९६ क्याप्सुल प्रिगाबा र १० क्याप्सुल एभिनसहित पक्राउ परेका छन्। 

(एबिसि संचार ) कञ्चनपुरमा डिभिजन वन कार्यालयभित्रै चितुवाले एक जनालाई आक्रमण गरेको छ। डिभिजन वन कार्यालय महेन्द्रनगरमा सशस्त्र वन रक्षकतर्फ जमदार पदमा कार्यरत अर्जुनसिंह थापालाई चितुवाले आक्रमण गरेको हो। डिभिजिन वन कार्यालयका प्रमुख भीम कडेलले चितुवालाई बेहोस बनाएर खोरमा हाल्ने क्रममा थापामाथि आक्रमण गरेको बताए। बेहोस भइसकेको ठानेर खोरमा लैजान खोज्दा चितुवा थापामाथि झम्टिएको थियो।