२० हजार घुस रकम सहित सुपरभाइजर पक्राउ

प्रकशित मिति : ३ चैत्र २०७६, सोमबार १८:२७

काठमाडौं अख्तियार दुरूपयोग अनुसन्धान आयोगले काठमाडौंको रत्नपार्कस्थित नेपाल विद्युत प्राधिकरण वितरण केन्द्रका इलेक्ट्रीकल सुपरभाइजर कैलाशप्रसाद दाहाललाई २० हजार घुससहित पक्राउ गरेको छ ।
सुपरभाइजर दाहालले नयाँ क्षमता वृद्धिको मिटर जडानका लागि सेवाग्राहीसँग घुस मागिरहेको भन्ने सूचनाको आधारमा अख्तियार दुरुपयोग अनुसन्धान आयोग टंगालबाट खटिएको टोलीले सोमबार पक्राउ गरेको हो ।
अख्तियारका अनुसार सुपरभाइजर दाहाललाई सेवाग्राहीसँग बीस हजार घुस लिइसकेको अबस्थामा उक्त रकमसहित निजकै कार्यालयको सेवाग्राही फाँटबाट नियन्त्रणमा लिई अनुसन्धान भइरहेको जनाएको छ ।

प्रकशित मिति : ३ चैत्र २०७६, सोमबार १८:२७