(सागर थापा) प्रहरी प्रधान कार्यालय कर्मचारी प्रशासन शाखाको पत्र आदेश अनुसार प्रहरी हवलदार पदबाट असइ पदमा बढुवा भएका १ जना असइलाई शनिबार वडा प्रहरी कार्यालय कपिलवस्तु चन्द्रौटाका प्रहरी प्रमुख प्रहरी निरीक्षक दिपेश खरेलले एक कार्यक्रमका बीच दर्ज्यानी चिन्हद्वारा सुशोभन गरेका छन् ।
उक्त अवसरमा खरेलले पदोन्नती भएका प्रहरी हवल्दार ईन्द्रजित अहिरलाई बधाई तथा शुभकामना दिदैं पदोन्नती बृत्ति विकासको महत्वपूर्ण पाटोको रुपमा रहेको र जेष्ठता, कार्यक्षमता, कार्यक्षेत्रमा प्रदर्शन गरेको व्यावसायिकता अनुशासन र ईमान्दारिताको मुल्यांकन गर्दै पदोन्नती गरिएको बताए ।
उनले अनुशासन तथा ईमान्दारिता फौजीको सबैभन्दा ठूलो गहना रहेको चर्चा गर्दै आफ्नो जिम्मेवारीमा रहेर कार्यक्षेत्रमा उत्तरदायित्व वहन गरी आगामी दिनमा अझै परिस्कृत हुँदै राष्ट्र र नागरिकको सेवा सुरक्षा र प्रहरी व्यवस्थापन कार्यमा सकृय रहन वडा प्रहरी प्रमुख चन्द्रौटाका प्रहरी निरीक्षक खरेलले निर्देशन समेत दिएका छ्न ।
