पत्रकारलाई राहत प्याकेज दिन कांग्रेस सभापति:देउवाको माग

प्रकशित मिति : १९ चैत्र २०७६, बुधबार ११:५३

काठमाडौं चैत्र १९ नेपाली कांग्रेसका सभापति शेरबहादुर देउवाले ‘लक डाउन’ का बेला काम गर्ने पत्रकारलाई अलग्गै राहत प्याकेज दिन सरकारसँग माग गर्नुभएको छ ।
सभापति देउवाले एक विज्ञप्ति जारी गर्नुहुँदै ‘लक डाउन’ ले व्यवसायर्मा परेको प्रत्यक्ष असरका कारण विज्ञापनको क्षेत्रलाई सोझै आघात पु-याएको बताउनुभएको छ । त्यसको असर सोझै सञ्चार गृहहरुमा परेको भन्दै सभापति देउवाले राज्यको चौथो अंगलाई सम्बोधन हुने गरी अलग्गै राहत प्याकेज दिन सरकारसँग माग गर्नुभएको हो ।
सभापति देउवाले समाचार संकलनमा कार्यरत श्रमजीवी पत्रकारको हकमा सरकारले अलग्गै सुरक्षा र राहत सहितको योजनाको निर्माण गर्न पनि आग्रह गर्नुभएको छ । त्यसैगरी सञ्चारगृहहरुलाई समाचार संकलनका लागि निर्वाद आवतजावतको व्यवस्था गर्न उहाँले सम्बन्धित निकायसँग आग्रहसमेत गर्नु भएको छ ।