काठमाडौं चैत्त २२ गते भारतमा कोरोना भाइरस संक्रमितको संख्या करिब तीन हजार पुगेको छ । भारतीय स्वास्थ्य तथा परिवार कल्याण मन्त्रालयका अनुसार शनिबार बिहानसम्म दुई हजार नौ सय दुईजनामा संक्रमणको पुष्टि भएको हो । ५५ जना विदेशी छन् ।
भारतमा कोरोनाभाइरस सक्रिय रहेको बिरामीको संख्या दुई हजार ६५० छन् । १८३ जना संक्रमित निको भई घर फर्केका छन् । शनिबार बिहान छ जना संक्रमितको मृत्यु भएको छ। तीनजना महाराष्ट्र, दुईजना नयाँ दिल्ली र एकजना गुजरातमा कोरोना संक्रमितको शनिबार मृत्यु भएको हो ।
महाराष्ट्रमा सबैभन्दा बढी १९ जनाको मृत्यु भएको छ । गुजरातमा नौ, तेलङ्गानामा सात, मध्यप्रदेशमा छ, नयाँ दिल्लीमा छ, पञ्जाबमा पाँच, कर्नाटकामा तीन, पश्चिम बंगालमा तीन, जम्मु काश्मिरमा दुई, उत्तर प्रदेशमा दुई र केरलामा दुई जना संक्रमितको मृत्यु भएको छ ।
आन्ध्रप्रदेश, तामीलनाडू, बिहार र हिमाञ्चल प्रदेशमा एक एक जना संक्रमितको मृत्यु भएको पीटीआईले उल्लेख गरेको छ । कोरोना भाइरसको प्रकोप भारतमा सबैभन्दा बढी महाराष्ट्र, तामीलनाडू र दिल्लीमा छ । महाराष्ट्रमा ४२३ र दिल्लीमा ३८६ तथा तामीलनाडूमा ४११ जनामा संक्रमणको पुष्टि भएको छ । केरलामा २९५, राजस्थानमा १७९ र उत्तरप्रदेशमा १७४ जना संक्रमित छन् । मध्यप्रदेशमा १०४ तथा गुजरातमा ९५ र जम्मु काश्मिरका ७५ जनामा संक्रमणको पुष्टि भएको छ ।
आन्ध्रप्रदेशमा १६१ र तेलङ्गानामा १५८ जनामा संक्रमणको पुष्टि भएको छ । पश्चिम बंगालमा ६३, पञ्जाबमा ५३ र हरियाणामा ४९ जना संक्रमित फेला परेका छन् । बिहारमा २९, असाममा २४, चण्डीगढमा १८, उत्तराखण्डमा १६ तथा लद्दाखमा १४ जना संक्रमित भएका छन् ।
भारतको अन्डामन र निकोबार द्वीपमा पनि दशजना संक्रमित भेटिएको पीटीआईले उल्लेख गरेको छ । झारखण्ड र मणिपुरमा दुई दुई जना तथा मिजोरम, अरुणाचल प्रदेशमा एक एक जनामा संक्रमणको पुष्टि भएको छ । गोर्खापत्र अनलाईनबाट

सम्बन्धित

नाकाबाट आईसोलेशनमा लैजाने क्रममा कोरोना संक्रमित एम्बुलेन्सबाटै फरार

विष खाएर मरेका गिद्धको अनुसन्धान गर्ने

निशुल्क अक्सिजन सेवा सुचारुको उद्घाटन गर्दै पर्सा एसपी बेल पाण्डे

सशस्त्र प्रहरीले एक लाख ५६ हजार बराबरको अवैध सामान पक्राउ

बिरगंजमा १९२ जनाको परीक्षण दुई जना न्यायाधीशसहित ८८ जनामा कोरोना

भारतको अस्पतालमा अक्सिजन चुहावट हुँदा २२ बिरामीको मृत्यु