(सागर थापा)
दाङमा लकडाउनको अवज्ञा गर्नेको संख्यामा कमी आएको छ त्यस्ता सवारी चालक र व्यक्तिहरूलाई प्रहरीले कडाइ र कार्वाही थालेपछि लकडाउन उल्लंघन गर्नेहरु घटेका हुन् । जिल्ला प्रहरी कार्यालय दाङका प्रहरी प्रमुख एसपी जनक भट्टराईले जांँचमा कडाइ र कार्वाही थालेपछि अवज्ञा गर्नेहरु घटेको बताए । उनका अनुसार दिनहो जसो मोटरसाइकलहरु प्रहरीले नियन्त्रणमा लिने गरेको छ । तीमध्ये अटेरी गर्नेहरु पनि धेरै जनालाई पक्राउ गरेको छ ।
दाङ प्रहरीले अहिलेसम्म लकडाउन उल्लंघन गर्ने १४०० बराबरको सवारी साधनलाई नियन्त्रणमा लिएको थियो । लक डाउनको उलंघन गर्नेहरु पैदल यात्रीलाई पनि पक्राउ गरि छाडेको थियो पटक पटक अटेरी गर्नेलाई सार्वजनिक मुद्दा समेत लगाउने तयारी रहेको दाङ प्रहरीले जनाएको छ ।
लकडाउनमा दिउँसो सुनसान रहे पनि बिहान र सांँझ अनावश्यक रूपमा मानिसहरू निस्कन थालेपछि प्रहरीले यसलाई पनि नियन्त्रण गर्ने दाङ प्रहरी प्रमुख एसपी भट्टराईले बताए ।
