काठमाडौँ कोरोना भाइरसको संक्रमणका कारण अहिले नेपाल सरकारले लकडाउन गरेको छ। सोमबार लक डाउनको १४ औँ दिन हो। सरकारले लकडाउन थप ८ दिन लम्ब्याएको छ।
काठमाडौं उपत्यकामा ट्राफिक प्रहरीले सवारी साधन के कति र कति आवश्यकताका लागि चले भनेर तथ्यांक राख्न सुरु गरेको छ। काठमाडौँमा चारवाट नाका कोटेश्वर,थापाथली, केशरमहल र महाराजगन्जबाट सोमबारदेखि तथ्याङ्क संकलन सुरु गरेको हो।
बिहान ११ बजेबाट इन्स्पेक्टरको कमाण्डमा चारै ठाउँमा तथ्याङ्क संकलन गर्ने कार्य भइरहेको छ। ट्राफिक प्रहरीका प्रवक्ता एसपी जीवनकुमार श्रेष्ठका अनुसार पूर्ण रुपले कति सवारी साधन चले भन्ने तथ्याङ्क साँझमा संकलनमा खटिएकाहरु फर्किए भने थाहा हुने छ। उनका अनुसार यसरी तथ्याङ्क संकलन गर्नुमा सवारी साधन कति आवश्यकताले प्रयोगमा आएका छन् र कस्ता सवारी साधन चले भनेर जानकारी लिनु प्रमुख कारण हो।
