प्रकशित मिति : २५ चैत्र २०७६, मंगलवार ०८:४२

(बिदुर एमसी)
दाङको पूर्वी देउखुरी भालुवाङ्गस्थित इन्द्रेणी युवा क्लब, भालुवाङ्गले सुरक्षा निकाय र स्वास्थ्य निकायलाई दृष्टिगत गरि स्वास्थ्य सामग्रीहरु प्रदान गरेको छ ।
विश्व मानव जगत काेभिड 19 नामक नाेबेल काेराेना भाइरससङ्ग जुधिरहेको वर्तमान परिप्रेक्ष्यमा नेपाल यतिखेर लक डाउनमा परेको छ ।
विभिन्न प्रकारका यात्रु र सेवाग्राहीहरुसित प्रत्यक्ष रुपमा काम गर्नुपर्ने स्वास्थ्यकर्मी, सुरक्षाकर्मी र सञ्चारकर्मिहरु नै यस समयमा आफ्नो ज्यानको जोखिमको वास्ता नगरी आफ्नो कर्तव्य क्षेत्रमा लाग्नुपर्ने भएकोले उनीहरूले अत्यन्तै ठूलो खतरापूर्ण अवस्थामा छन् ।
यसै जटिलतालाई महसुस गरेर नै क्लबले सो सहयोग गरेको क्लबका अध्यक्ष भीमबहादुर मरासिनीले बताएका छन् ।
साेमवार अपरान्ह लालमटिया स्वास्थ्य चौकी भालुवाङ्ग, सिसहनिया स्वास्थ्य चौकी सिसहनिया, इलाका प्रहरी कार्यालय भालुवाङ्ग, ट्राफिक प्रहरी कार्यालय भालुवाङ्ग र सशस्त्र प्रहरी बल भालुवाङ्ग लगायतका निकायलाई साे सामग्रीहरु प्रदान गरिएको क्लबका काेषाध्यक्ष मोहन श्रेष्ठले जानकारी दिए ।
कोरोनाको उच्च जोखिमबाट सुरक्षा अपनाउन केही हदसम्म यी सामग्रीको प्रयोगले मद्दत हुनेभएको हुनाले उक्त सहयोग प्रदान गरिएको क्लबका सचिव जीवन शेर्पाले उल्लेख गरे ।
मास्क, स्यानी टाइजर लगायतका अन्य सामग्रीहरु ती निकायहरुलाई प्रदान गरिएको थियो ।
कार्यक्रममा स्थानीय जन प्रतिनिधि, सुरक्षाकर्मी, पत्रकार , बुद्धिजीवी र व्यापारीहरुको सहभागीता रहेको थियो ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com