(सागर थापा)
जिल्ला प्रशासन कार्यालय दाङले लकडाउनलाई थप प्रभावकारी बनाउन सातामा तीन दिन (आइतबार, मंगलबार र शुक्रबार) मात्रै अत्यावश्यक खाद्यान्न पसल सञ्चालन गर्न पाइने भएको छ । जिल्लाभर यही नियम लगाउन सर्कुलेसन जारी गरिएको जिल्ला प्रशासन कार्यालय दाङका प्रमुख जिल्ला अधिकारी गोबिन्द रिजालले बताए ।
साताको तीन दिन बिहान ६ देखि ९ बजेसम्म मात्रै अत्यावश्यक वस्तु किनबेच गर्न पाइने उल्लेख गरेका छ । सरकारले जारी गरेको लकडाउन थप प्रभावकारी बनाउन यो नियम लागु गरिएको दाङ प्रशासनले जनाएको छ। योसँगै अब सातामा चार दिन पूरै लकडाउन हुने भएको छ ।
