(कपिल लामिछाने) नेपालमा अहिले चलिरहेकाे लकडाउनका कारण कतिपय बृद्ध,बृद्धा,दैनिक ज्याला मजदुरी गर्ने मानीसहरुलाईकाे दैनिक गुजारा कष्टकर भईरहेकाे छ । काेराेना राेग राेकथामका लागी नेपाल सरकारले गरेकाे लकडाउनबाट प्रत्यक्ष रुपमा ज्याला मजदुरी गर्ने मानीसहरु समस्यामा परेका छन् । साथै अहिलेकाे लकडाउनका कारण गाउँ,शहरमा बस्तुहरुकाे अभाव पनि देखिरहेकाे छ । यसबिचमा सुत्केरी भएका महिलाहरुलाई पाेशिलाे खानाका लागी बजारमा मासु,अण्डा लगाएतका बस्तुहरुकाे सहज रुपमा परिपूर्ती नहुदाँ उनिहरुकाे बच्चाहरुकाे बिकासका लागी समस्या परेकाे देखिन्छ । यसै कुरालाई मध्येनजर गर्दै तुलसीपुर उपमहानगरपालिका वडा नं १८ का वडा अध्यक्ष माधव वलीले आफ्नाे वडामा सुत्केरी भएका, दुई(२) बिपन्न परिवारका सदस्यहरुलाई आज घरमा नै गई २५ केजि चामल, १ लिटर तेल, १ केजि नुन र १/१ क्यारेट अण्डा हस्तान्तरण गर्नुभएकाे छ । शुभकाेटी टाेलमा बसाेबास गर्ने राजु नेपालीकाे श्रीमती र प्रविण नेपालीकाे श्रीमतीलाई उक्त राहत वितरण गरिएकाे हाे । राहत पाएसँगै उनिहरुकाे मुहारमा खुसीकाे किरण देख्न सकिन्थ्याे, राहत लिईसकेपछि राजु नेपालीले भने हामीलाई लागेकाे थिएन हामीले केहि राहत पाउछाैँ भनेर तर वडा अध्यक्ष घरमा नै आएर मेरी श्रीमती र बच्चाकाे भविस्य साेचेर राहत दिनुभयाे हामी एकदम खुसी छाैँ भन्दै आफ्नाे खुसी ब्यक्त गरे ।
