१५ जेठ २०८१, मंगलबार
28-05-2024 , Tue
×

लकडाउनको बेला मध्यरातमा बालुवा गिट्टीको तस्करी पाँचवाट टिप्पर प्रहरीको नियन्त्रणमा

Logo
प्रकाशित शनिबार, चैत्र २९, २०७६

दाङ तुलसीपुरमा शुक्रबार गएराति प्रहरीले तुलसीपुरको पातुखोलावाट झन्डै आधा दर्जन जति टिप्पर नियन्त्रण लिएको छ । तुलसीपुर उपमहानगरपालिका वडा नं. १० बनगाउ क्षेत्रको पातुखोलामा अवैद्य रुपमा खोला जन्य बस्तुको उत्खनन् र ओसार पसारमा प्रयोग गरिएका पाँच वटा टिप्पर नियन्त्रणमा लिइएको छ ।
स्रोतले पक्राउ परेका टिप्परहरु टोपबहादुर बस्नेत लगाएका व्यक्तिको रहेको जानकारी दिएको छ । स्रोतका अनुसार प्रहरीले उनको मोटरसाईकल पनि नियन्त्रणमा लिएको छ । ‘एउटा मात्रै टिप्पर प्रहरीले राति तुलसीपुर लगेको छ र अन्य केही टिप्पर र जेसिबी खोला मै छन्,’ एक स्थानीले भने ।
तर जिल्लाका प्रहरी अधिकारीहरुले भने यो विषयमा स्पष्ट रुपमा जानकारी दिन चाहेनन् । जिल्ला प्रहरी प्रमुख एसपी जनक भट्टराईले केही टिप्परहरु नियन्त्रणमा लिएको जानकारी दिएपनि कति वटा र कहाँवाट लिइएको हो ? भन्ने वारेमा स्पष्ट भइ नसकेको जानकारी दिए । प्रहरीसंग चालक नभएको र टिप्पर खोलामै छोडेर चालक राति नै भागेको भन्ने जानकारी उनले दिए । खोलाका टिप्पर ल्याएपछि मात्रै एकिनका साथ भन्न मिल्ने एसपी भट्टराईले बताए ।
इलाका प्रहरी कार्यालय तुलसीपुरका प्रहरी अधिकारी भने पटक÷पटक फोन सम्पर्क गर्दापनि सम्पर्कमा आउन चाहेनन् । विहान ८ बजेदेखि साढे १० बजेसम्म फोन गर्दापनि सहयोगीले सरले गेम खेलिरहेको भन्ने जानकरी दिएका थिए ।
स्थानीयले भने प्रहरी प्रशासनको सेटिङमा तस्करी हुने गरेको आशंका व्यक्त गरेका छन् । ‘यहाँ घुमुवा संगको सेटिङमा लकडाउनमा पनि खोलाको बालुवाट गिट्टी चोर्नेकाम भइरहेको छ,’ एक स्थानीयले भने ‘ रातारात त्यो बालुवा गिट्टी क्रसर उद्योगहरुमा पुग्ने गर्छ।’गाउँलेको सक्रियतामा गएराति साढे बाह्रेबजेतिर ती टिप्परहरु नियन्त्रणमा लिइएको एक स्थानीयले जानकारी दिए । (फरक-कोणबाट सभार)

कमेन्ट गर्नुहोस्
सम्बन्धित

(ABC-Sanchar) काठमाडौँ । नेपाली सेनाले सञ्चालन गर्दै आएको बङ्करदेखि ब्यारेक कार्यक्रमका लागी सरकारले १ अर्ब ५० करोड विनियोजन गरेको छ । सो कार्यक्रमका सञ्चालन गर्न आर्थिक वर्ष २०८१–०८२ का लागी १ अर्ब ५० करोड विनियोजन गरेको अर्थमन्त्री वर्षमान पुनले बजेट भाषणमार्फत जानकारी गराएका छन् । नेपाली सेनालाई प्रविधियुक्त र व्यावसायिक बनाइने अर्थमन्त्रीले बताए । सेनाले […]

(ABC-Sanchar) काठमाडौँ । बजेट भाषणबाट कर्मचारी निराश भएका छन् । आगामी आर्थिक वर्षको बजेट भाषणमा सरकारले कर्मचारीको तलब नबढाउने निर्णय गरेको हो । यस्तै सरकारले वृद्धवृद्धा र एकल महिला लगायतले पाउँदै आएको सामाजिक सुरक्षा भत्ता पनि बढेन । तर, अर्थमन्त्री वर्षमान पुनले सामाजिक सुरक्षा भत्तालाई निरन्तरता दिइएको बताए ।

(ABC-Sanchar) काठमाडौं । सरकारले आगामी आर्थिक वर्षमा ५ लाख परिवारलाई जग्गाधनी प्रमाण पुर्जा उपलब्ध गराउने भएको छ । सरकारले आगामी आर्थिक वर्षको बजेट भाषणमा भूमिसम्बन्धी समस्या समाधान आयोगमार्फत ५ लाख परिवारलाई जग्गाधनी प्रमाण पुर्जा उपलब्ध गराउने घोषणा गरेको हो ।