(एबिसी क्राइम ब्युरो)
काठमाडौं नेपालको डिआईजी बढुवा सिफारिस सँगै प्रहरीमा पदस्थापन र सरुवाको दौडधुप पनि सुरु भएको छ । शुक्रबार सिफारिस भएका १० डिआईजीको आगामी साता बढुवापछि पदस्थापन हुने छ । पदस्थापनका लागि प्रदेश नम्बर १, बागमती, गण्डकी र ५ नम्बरमा प्रतिस्पर्धा छ ।
त्यस्तै बढुवासँगै काठमाडौं परिसर र अपराध महाशाखाको नेतृत्व पनि रिक्त हुँदै छ । महाशाखाका सहकुल थापा तथा परिसरका उत्तमराज सुवेदीको बढुवा सिफारिस भएपछि ती कार्यालयका लागि एसएसपीबीच प्रतिस्पर्धा सुरु भएको छ । परिसर र महाशाखाका प्रमुख दाबेदार उमेशराज जोशी र श्यामलाल ज्ञवाली हुन् ।
सो ब्याचमा पहिलो नम्बरमा बढुवा भएका सन्दीप भण्डारीले दुई पटक इन्चार्ज पाइसकेका छन्, दोस्रो नम्बरमा बढुवा भएका टेक प्रसाद राई ललितपुरको प्रमुख छन् । जोशी र ज्ञवालीले इन्चार्ज हुने अवसर पाएका छैनन् । जोशी हाल प्रवक्ताका रुपमा कार्यरत छन् । ज्ञवाली महानगरीय प्रहरी कार्यालयमा छन् । उनी प्रहरी महानिरीक्षक ठाकुर ज्ञवालीका भाई समेत हुन् । अन्य केही एसएसपीले पनि दुई कार्यालयका लागि चासो देखाएका छन् । सिआईबीमा हुँदा अपराध अुनसन्धानमा उत्कृष्ट भएकी किरण बज्राचार्यको पनि अपराध महाशाखामा इन्चार्ज हुने सम्भावना छ । एसएसपी दीपक थापाले पनि सरुवाका लागि सक्रियता बढाएका छन् ।
साथै अबको सरुवामा रामदत्त जोशी, दीपक थापा, बुद्धिराज गुरुङ, पोषराज पोखरेल, टेकबहादुर तामाङले लगायतको पनि जिम्मेवारी हेरफेर हुने सम्भावना छ ।
हालै बढुवामा छुटेका सिनियर एसएसपीहरुलाई पनि इन्चार्ज दिनुपर्ने दबाब गृह मन्त्रालयमाथि छ । दृष्टिबाट

सम्बन्धित

विवाद हुँदा धनुषामा गोली चलेयो ११ जना पक्राउ

पेट्रोलियम मूल्यवृद्धि तत्काल फिर्ता नभए सडकमा उत्रने चेतावनी नेपाली उपभोक्ता संरक्षण महासंघ

प्रधानमन्त्री शेर बहादुर देउवाको भाइ प्रेम बहादुर देउवाको निधन

नेपालगन्ज वडा नम्बर ८ मा राप्रपा नेपाललेको प्यानलहरु विजयी

इप्रका तुल्सीपुर प्रहरीले लागुऔषध ब्राउन सुगरसहित ४ जना पक्राउ

बिरामी पर्न थाले काठमाडौँका मुख्य निर्वाचन अधिकृतहरु कतै राजनीनामा दिदै अधिकृतहरू