(एबिसी क्राइम ब्युरो)
काठमाडौं नेपाल प्रहरीमा एसएसपी बढुवाको तयारी सुरु भएको छ । प्रहरीमा रिक्त १९ जना एसएसपी पदको लागी ४० जना एसपी प्रतिस्पर्धामा छन् । प्रहरी मुख्यालयले बढुवामा योग्य रहेका सम्भावित उम्मेदवारहरुको सुची तयार पारेर प्रधानमन्त्री कार्यालय र गृहमन्त्रालयसंग अनौपचारिक छलफल गरिसकेको छ । प्रहरी महानिरीक्षक ठाकुर ज्ञवालीले प्रधानमन्त्री केपी ओलीसंग भेटेर यसबारेमा छलफल गरिसकेका छन् ।
नेपाल प्रहरीमा एसएसपी बढुवाको लागी गृहसचिवको अध्यक्षतामा समिति गठन गर्नुपर्ने नियम छ । समितिमा प्रहरी महानिरीक्षक सदस्य र प्रशासन हेर्ने एआईजी सदस्य सचिव छन् । ‘एसएसपी बढुवाको लागी लगभग सुचि तयार भइसकेको छ । मंगलवार सांझ वा बुधवार बढुवा समितिको बैठक बसेर नाम सिफारीस गर्ने तयारी छ’, गृहस्रोतले काठमाडौंपाटीसंग भन्यो ।
एसएसपीको बढुवापछि एसपी र डिएसपीको बढुवा एकै पटक गर्ने प्रहरी मुख्यालयको तयारी छ । बढुवाको तयारीको लागी नेपाल प्रहरीको कप्रका प्रमुख एसपी जनार्दन जिसी अहिले गृहमन्त्रालयमा छन् ।
बढुवाको लागी प्रतिस्पर्धामा धेरै उम्मेदवार भएकाले पनि समितिलाई बढुवा गर्न सकस परिरहेको छ । प्रहरी महानिरीक्षक ठाकुर ज्ञवालीले वरियतामा अघि रहेका र कार्यसम्पादन राम्रो भएका एसपीहरुलाई बढुवा गर्नुपर्ने अडान लिइरहेका छन् ।
एसएसपी बढुवामा अघिल्लो ब्याचबाट एसपीहरु कुवेर कठायत,विरेन्द्र बस्याल, भरत बोहरा,दुर्गा सिंह, किरण राणा, विष्णु कुमार केसी,केदार ढकाल, रविन्द्र केसी राजेश बांस्तोला,सुदिप गिरी, कृष्ण कुमार महत,लालमणी आचार्य र अर्जुन चन्द ठकुरीको बढुवा हुने सम्भावना प्रवल छ । त्यसैगरी पछिल्लो ब्याचबाट एसपी हृदय थापा, सुरेन्द्र मैनाली, अशोक सिंह,चक्र बहादुर सिंह, राजकुमार वैदवार र मुकेश सिंहलाई बढुवा हुने सम्भावना छ ।
पछिल्लो ब्याचका एसपी चन्द्र खापुङ्ग पनि बढुवाको लागी चर्को दौडधुपमा छन् । यसअघि कप्रका प्रमुख रहेका खापुङ्गलाई बढुवा गर्न चर्को दबाव भएपनि उनि बढुवाको लागी योग्य ४१ जनामध्ये ३३ औं नम्बरमा रहेकाले बढुवा गर्न पनि त्यति सजिलो छैन् । समितिमा सदस्य रहेका प्रहरी महानिरीक्षक ज्ञवाली र सदस्य सचिव एआईजी शैलेश थापा कार्यक्षमतालाई आधार मानेर बढुवा दिने पक्षमा भएपनि जुनियरलाई नै बढुवा गर्ने पक्षमा भने नभएको स्रोतको दावी छ ।
यसअघि डिआईजीको बढुवामा समेत ज्ञवाली र थापाले अडान लिएकै कारण केही व्ययवसायीक अधिकृतहरुको बढुवा भएको थियो । वरियतामा अघि रहेका एसएसपीहरु ईश्वरबावु कार्की, वसन्त पन्त, प्रकाशजंग कार्की, घनश्याम अर्याल र उत्तम सुवेदी उनिहरुकै जोडबलमा बढुवा पर्न सफल भएका थिए । वरियतामा अघि रहेका र नेकपाका अर्का अध्यक्ष पुष्पकमल दाहालको बलियो साथ पाएका एसएसपी गणेश ऐरलाई भने बढुवामा छुटाइएको थियो ।
प्रहरीको बढुवा र सरुवामा राजनीतिक दबावले गर्दा व्यवसायीक र कार्यसम्पादन राम्रो भएका अधिकृतहरु मर्कामा पर्ने गरेका छन् । यसपटकको बढुवामा पनि राजनैतिक नेतृत्व ने हावी भएको छ । डिआईजी बढुवामा प्रधानमन्त्री कार्यालयको सिफारीसमा धिरज सिंह र सहकुल थापा, गृहमन्त्री रामबहादुर थापाको सिफारीस बसन्त लामा, पुर्व गृहमन्त्री समेत रहेका जनार्दन शर्माको सिफारीमा एसएसपी रविन्द्र धानुक र गृहसचिव महेश्वर न्यौपानेको सिफारीसमा एसएसपी अरुण विसीको नाम सिफारीस भएको थियो

सम्बन्धित

आन्दोलनरत शिक्षकहरुसँग वार्ता गर्न सरकारले गृहमन्त्री श्रेष्ठलाई जिम्मेवारी

इंग्ल्याण्डमा पुरूषहरूलाई यातना दिएर ४ करोडौं कमाउने महिला यी हुन

श्री एअरलाइन्समा पटकपटक प्राविधिक समस्या देखियो विमान पुन:डाइभर्ट गरियो

राउटेहरुले दशैँ खर्च माग्दै लुम्बिनीका मुख्यमन्त्री डिल्लीबहादुर चौधरीसँग भेटघाट गरे

काठमाडौं बानेश्वरमा शिक्षक आन्दोलन प्रहरी शिक्षक बीच धकेलाधकेल झडपको स्थिति

बारामा एसपी काफ्लेले आएपछी धमाधम ४ वटा ट्रकबाट ७७ लाख २७ हजार पक्राउ