जनकपुरमा सडकमा पैसा फालेर कोरोना फैलाउने त्रास फैलाएको आरोपमा दुई महिलालाई धनुषा प्रहरीले पक्राउ गरेको छ। शनिबार दिउसो प्रहरीले जनकपुरको धाम उपमहानगरपालिका ७ जानकी नगरबाट ती महिलालाई पक्राउ गरेको हो। उनीहरुसँग प्रहरीले अहिले सोधुपछ गरिरहेको छ। केही बेरमा पत्रकार सम्मेलन गरी सार्वजनिक गरिने छ। जनकपुरधाम उपमहानगरपालिका ६ को महावीर चोकको बाटोमा ती दुई महिलाले शुक्रबार नेपाली रूपैयाँ छरेर फरार भएका थिए। शुक्रवार दिउँसो करिब एकबजे तिर ती महिलाहरुले १० रुपैयाँको नोटहरु छरेर भागे पछि स्थानीय त्रसित बनेका थिए। स्थानीयले खबर गरे लगतै धनुषा प्रहरी घटनास्थल पुगेर अनुसन्धान सुरु गरेको थियो। घटनाको २४ घण्टामै उनीहरुलाई पक्राउ गर्न प्रहरी सफल भएको हो। प्रहरीले नजिकै रहेको एक घरको सीसीटिभी फुटेजको सहयोगले अनुसन्धान थालेको र आज ति दुई महिलालाई नियंत्रणमा लिएर अनुसन्धान अगाडि बढाएको छ ।

सम्बन्धित

लागूऔषध कारोवारीलाई र जाँड खानेलाई कार्वाही गर्छौं : विप्लव

अरुको इसेवाको आइडी ह्याक गर्ने दाङका युवक काठमाडौंबाट पक्राउ

प्रहरीले हराएको २२ थान मोबाइल सम्बन्धित व्यक्तिलाई हस्तान्तरण

जावलाखेलमा प्रहरीलाई कुटपिट गर्ने लाई दिपकराज जोशीको सुझाब

बाँकेमा आगलागी २५ घर जलेर नस्ट सिडियो र एसपीको आर्थिक सहयोग

नवलपरासी प्रहरीले पेस्तोल सहित दुईजना पक्राउ