(सागर थापा)
अहिले बिश्व ब्यापी कोरोना भाइरसले आतंक सृजना गरीरहेको छ । यो बेलामा मान्छेको जीवन रक्षानै सबैभन्दा ठूलो विषय बनेको छ । विश्व ब्यापी लक डाउनको अबस्था छ । नेपाल पनि लक डाउनकै अबस्थामा छ । लकडाउन लामो हुदा नियमित औसधि खाने बिरामीहरुलाइ समस्या परेको छ । यो बेलामा घोराहीको राप्ती स्वास्थ्य बिज्ञान प्रतिस्ठानमा रहेको साझा स्वास्थ्य सस्था लाई बन्द गरिएको छ । जसले गर्दा बिरामीले सहज रुपमा औसधि पाउन सकेका छैनन । राप्ती स्वास्थ्य बिज्ञान प्रतिस्ठानमा कोरोना ल्याब स्थापन हुने कुराको चर्चा भएतापनी अहिले सम्म हुन सकेको छैन । त्यसैले तत्काल ल्याब संचालन गरि कोरोना परिक्षणलाई तिब्रता दिन र साझा लाई सुचारु गराउन सम्बन्धित सरोकार वाला शीत अनुरोध गर्दछौ । यो विषम परिस्थितिमा आन्तरिक द्वन्द्व सृजना गर्ने भन्दा पनि आपसमा भएका अंतर्विरोधहरुलाइ पनि थाती राखेर जनताको जीवन रक्षा यतिबेलाको मुख्य कुरा हो । त्यसैले यसमा कसैका राजनीतिक आग्रह पुर्बाग्रहहरु छ्न भने पनि यो बेलामा कसैले नसम्झौ जनताको स्वास्थ्य र जीवन रक्षा मात्र मुख्य मुद्दा बनाउन सबैमा अनुरोध गर्न चाहान्छो राष्ट्रिय जनमोर्चा जिल्ला समिती देउखुरी दाङ अध्यक्ष गणेश आचार्यबाट प्रेस बिज्ञप्तीमा उल्लेख गरिएको छ ।
