२४ आषाढ २०८२, मंगलबार
08-07-2025 , Tue
×

काठमाडौं परिसर र अपराध महाशाखाको नेतृत्वको लागी ३ एसएसपीबीच प्रतिस्पर्धा

Logo
प्रकाशित सोमबार, बैशाख ०८, २०७७

(एबिसी क्राइम ब्युरो)
काठमाडौं–नेपाल प्रहरीका १० जना डिआईजीको बढुवा सदरसंगै प्रहरीमा एसएसपीको सरुवाको तयारी भएको छ । काठमाडौं प्रहरी प्रमुख एसएसपी उत्तम सुवेदी र अपराध महाशाखाका प्रमुख एसएसपी सहकुल थापा डिआईजीमा बढुवा भएसंगै एसएसपीको सरुवाको तयारी भएको हो ।
गृहमन्त्रालय स्रोतले दिएको जानकारीअनुसार काठमाडौं प्रहरी प्रमुखको दौडमा एसएसपी श्याम ज्ञवाली र दिपक थापा छन् । हालका महानगरीय ट्राफिकका प्रमुख रहेका एसएसपी भिम ढकाल पनि काठमाडौं परिसर जान दौडधुपमा लागेपनि उनले जिम्मेवारी पाउंने सम्भावना भने छैन् । तर अपराध महाशाखाको प्रमुखको लागी भने एसएसपी किरण बज्रचार्यलाई पठाउन प्रधानमन्त्री कार्यालयबाट दबाव रहेको स्रोतको दावी छ ।
गृहमन्त्रालयले काठमाडौं परिसरमा एसएसपी ज्ञवाली र अपराध महाशाखामा थापालाई पठाउने तयारी गरेको थियो । तर, ब्रजाचार्यलाई पठाउन प्रधानमन्त्री कार्यालयबाट दबाव आएपछि त्यसमा निर्णय हुन नसकेको हो । महाशाखा र परिसरको लागी दौडधुपमा रहेका ज्ञवाली,थापा र ब्रजाचार्य प्रहरीमा व्यवसायीक अधिकृतका रुपमा चिनिन्छन् ।
सोमबार डिआईजीमा बढुवा भएका सुवेदी र थापाको पदस्थापनपछि प्रहरी मुख्यालयले परिसर महाशाखाको नेतृत्वको टुंगो लगाउनेछ । ‘आईतबार नै गृहमन्त्रालयले एसएसपीहरुको सरुवाको लागी सुचि माग गरेको थियो । तर, प्रहरी मुख्यालयले अहिलेसम्म सुची मन्त्रालय पठाएको छैन् । ’ गृहस्रोतले भन्यो ।
काठमाडौं प्रहरी प्रमुख र अपराध महाशाखकाको नेतृत्वको लागी दौडमा रहेका ज्ञवाली,थापा र ब्रजाचार्य एकै पटक एसएसपीमा बढुवा भएका प्रहरी अधिकृतहरु हुन् । तर,प्रहरी निरीक्षकका रुपमा ज्ञवाली र ब्रजाचार्य २०५१ चैत्रमा र थापा २०५२ भदौमा प्रहरीमा सेवा प्रवेश गरेका थिए । ज्ञवाली हालका प्रहरी महानिरीक्षक ठाकुर ज्ञवालीका सहोदर भाई हुन् । उनि एसपी बढुवामा एक नम्बरमा बढुवामा भएपनि एसएसपी बढुवा हुंदा पनि पछि परेका थिए । थापा भने एसएसपी बढुवा हुंदा आफ्नो ब्याचबाट एक नम्बरमा बढुवा भएका थिए ।
प्रहरीमा काठमाडौं परिसर र अपराध महाशाखाको नेतृत्वमा आउनका प्रहरी अधिकारीबीच तिव्र प्रतिस्पर्धा हुने गरेको छ । प्रहरीको नेतृत्वमा पुग्ने अधिकांश उच्च अधिकारी महाशाखा र परिसर बसेकाहरु पुग्ने भएकाले पनि यो जिम्मेवारीका लागी दौडधुप हुने गरेको हो ।

कमेन्ट गर्नुहोस्
सम्बन्धित

बाँके । जिल्ला ट्राफिक प्रहरी कार्यालय बाँके कोहलपुरको माहतहतमा अस्थायी ट्राफिक प्रहरी पोष्टहरुले विभिन्न स्थानहरुमा,दुई पाङ्ग्रे सवारी चालकहरु, अन्य सवारी चालक ,सह चालक साईकल यात्री, सर्वसाधरणहरुलाई भेला जम्मा गराई ट्राफिक नियम ,लेन अनुशासन ,ओभेरटेक गर्ने तरिका , सडक प्रयोग गर्दा ध्यान दिनु पर्ने कुरा ,सवारी दुर्घटनाबाट बच्ने उपायका बारेमा सचेतना गरिएको बाँके जिल्ला ट्राफिक प्रहरीले […]

  दाङ । गढवा धानखोल कृषि सहकारी संस्था लगायत अन्य सहकारी संस्थामा भएको भनिएको बजेट दुरुपयोग तथा घोटालाको निष्पक्ष छानबिनको माग गर्दै गढवा गाउँपालिकामा अनसनरत रहेका स्थानीय युवा तथा सामाजिक अभियन्ता सन्देश भण्डारीले आफ्नो अनसन अन्त्य गरेका छन्। भण्डारीले उठाएका मागहरू अख्तियार दुरुपयोग अनुसन्धान आयोगसम्म पुगेको र सो मामिलामा गाउँपालिका पूर्णरूपमा सहयोग गर्न तयार रहेको […]

  काठमाडौं । संस्कृति, पर्यटन तथा नागरिक उड्डयन मन्त्रालयले यस विधेयकमा दुर्घटना, चोटपटक, अंगभंग, मृत्यु र मालसामानको क्षतिपूर्ति व्यवस्था समेटेको छ, जसमा क्षतिपूर्ति रकम पाँच गुणा वृद्धि गरिएको छ। यस विधेयकमा यात्रु, मालसामान र उडान रद्द वा स्थगनको व्यवस्था समेत समेटिएको छ, र सर्वसाधारणले राय सुझाव दिन सक्ने व्यवस्था छ। सरकारले आन्तरिक उडान क्रममा हवाईजहाज […]

error: Content is protected !!