१५ चैत्र २०८०, बिहिबार
28-03-2024 , Thu
×

दाङ चेम्बरको माग अत्यावश्यकीय उद्योग सञ्चालन गर्न प्रशासनलाई ज्ञापनपत्र

Logo
प्रकाशित मंगलबार, बैशाख २३, २०७७

सागर थापा
दाङ चेम्वर अफ कमर्शले अत्यावश्यकीय उत्पादनमुलक उद्योगहरु सञ्चालन गर्ने बातावरण मिलाउन सरकारसँग माग गरेको छ । चेम्वर अफ कमर्श दाङले जिल्ला प्रशासन कार्यालयमार्फत आइतवार प्रधानमन्त्रीलाई ज्ञापनपत्र पठाउदै लकडाउनका कारण उद्योगहरु बन्द रहदा ठूलो क्षेती भएको भन्दै अत्यावश्यकीय उत्पादनमुलक उद्योगहरु सञ्चालन गर्न माग गरेको हो ।
चेम्वरले कृषि उत्पादन र कृषिमा आधारित अन्य उत्पादनलाई बढवा दिनका लागि उत्पादन, बजारिकरण, दुवानी र आपुर्ति व्यवस्थानको सहजीकरण गर्न समेत माग गरेको छ । त्यसै गरी चेम्वरले घरबहाल कर सतप्रतिशत र स्थानीयले तहहरुले लिने व्यवसायीक कर ५० प्रतिशत मिनाह गर्न माग गर्दै प्रधानमन्त्रीलाई ज्ञापनपत्र पठाएको छ । चेम्वरले विज्ञप्तिमार्फत बन्दाबन्दीको समयमा घरबहाल कर मिनाहसँगै स्थानीय तहले लिने व्यवसायीक करमा ५० प्रतिशत छुट गर्न माग गरेको हो ।
त्यसै गरि चेम्वरले आर्थिक बर्ष २०७६ ्र०७७ मा आयकरमा ५० प्रतिशत,बन्दाबन्दी सुरु भएको समयावधि र खुलेको छ महिनासम्म हुन आउने औधोगिकतथा व्यवसायीक बैंक कर्जाको व्याज पूर्ण रुपमा मिनाह हुनुपर्ने,उद्योग तथा व्यवसायीले लिएको कर्जाको पुनःकर्जाको व्यवस्था गरिनुपर्नेमाग राख्दै ज्ञापनपत्र पठाएको हो ।
ज्ञापनपत्रमा विद्युत कार्यालयले उद्योगहरुबाट लिने डिमाण्ड शुल्क सतप्रतिशत र आम नागरिकको हकमा ५० प्रतिशत मिनाह गरिनुपर्ने माग गरिएको चेम्वर अफ कमर्श दाङका अध्यक्ष श्रीधर महराद्धारा हस्ताक्षरित विज्ञप्तिमा उल्लेख गरिएको छ । ज्ञापन पत्र चेम्वर अव कर्मशका अध्यक्ष श्रीधर महरा र निवर्तमान अध्यक्ष दिपक सुवेदीले सहायक प्रमुख जिल्ला अधिकारी गञ्जबहादुर एमसीलाई बुझाएका थिए ।

कमेन्ट गर्नुहोस्
सम्बन्धित

(एबिसि संचार ) होली खेलेर सुनकोशीमा नुहाउने क्रममा तीन दिनअघि बेपत्ता भएका त्रियुगा नगरपालिका–१४ साउनेकी रेखा मगरको शव बुधबार बिहान फेला परेको छ । जिल्ला प्रहरी कार्यालय उदयपुरका अनुसार आज बिहान साउनेको धाप्लाङदेखि ६ किलोमिटर तल सूर्यढुङ्गा भन्ने स्थानमा १२ वर्षीया रेखा मगरको शव फेला परेको प्रहरीले जनाएको छ ।

(एबिसि संचार ) कैलालीको धनगढीबाट लागूऔषधसहित एक जना पक्राउ परेका छन्। जिल्लाको गोदावरी नगरपालिका–१० का २२ वर्षीय तेजबहादुर बोहरा लागुऔषधसहित पक्राउ परेका हुन्। धनगढी उपमहानगरपालिका–३ बाट उनी ५० मिलिग्राम ब्राउनसुगर र ९६ क्याप्सुल प्रिगाबा र १० क्याप्सुल एभिनसहित पक्राउ परेका छन्। 

(एबिसि संचार ) कञ्चनपुरमा डिभिजन वन कार्यालयभित्रै चितुवाले एक जनालाई आक्रमण गरेको छ। डिभिजन वन कार्यालय महेन्द्रनगरमा सशस्त्र वन रक्षकतर्फ जमदार पदमा कार्यरत अर्जुनसिंह थापालाई चितुवाले आक्रमण गरेको हो। डिभिजिन वन कार्यालयका प्रमुख भीम कडेलले चितुवालाई बेहोस बनाएर खोरमा हाल्ने क्रममा थापामाथि आक्रमण गरेको बताए। बेहोस भइसकेको ठानेर खोरमा लैजान खोज्दा चितुवा थापामाथि झम्टिएको थियो।