पश्चिम रुकुममा भेरी नदीमा बेपत्तामध्येका थप एक जनाको शव भेटिएको छ। योसँगै घटनामा ज्यान गुमाउने चार पुगेका छन्। अझै २ जना बेपत्ता छन्। सशस्त्र प्रहरी बलको जाजरकोटस्थित आश्रित गुल्म र सशस्त्र प्रहरी बल नम्बर ४७ गुल्म पश्चिम रुकुमबाट खटिएको गोताखोरसहितको टोलीले भेरी नदीको कुदुमा शव फेला पारेको हो। १८ वर्षका लोकेन्द्र सुनारको शव भेटिएको प्रहरीले जनाएको छ। जाजरकोटबाट पश्चिम रुकुममा विवाहका लागि प्रेमिका लिन गएका नवराज विक सहितका युवालाई गाउँलेले आक्रमण गरेका थिए। त्यसक्रममा मारिएका नवराजसहित ३ जनाको सब यसअघि नै भेटिएको थियो। बाँकी २ जनाको खोजीमा पनि चार जना गोताखोरसहित १८ जना सशस्त्र प्रहरीको टोली सक्रिय छ। रासस
