१३ जेठ २०८१, आइतबार
26-05-2024 , Sun
×

सामान्य प्रशासन मन्त्रीको ९ वटा गाडी कर्मचारी आफै प्रयोग गर्दै

Logo
प्रकाशित शुक्रबार, जेठ २३, २०७७

एबिसी संचार
काठमाडौँ कोभिड-१९ का कारण चौतर्फी खर्च कटौती र मितव्ययीताको बहस भई रहँदा सङ्घीय मामिला तथा सामान्य प्रशासन मन्त्रीको नाममा ९ वटा गाडी रहेको भेटिएको छ ।
बजेटकै कारण देखाउँदै कर्मचारीको भत्तासमेत काटिएको अवस्थामा माउ मन्त्रालयका रुपमासमेत रहेको मन्त्रालयका मन्त्रीले सचिवालयसहित गरी ९ वटा गाडी प्रयोग गरिएको प्रशासनले फेला पारेको छ ।
स्रोतका अनुसार तीन वटा गाडी मन्त्री आफैले प्रयोग गर्दै आएका छन् भने बाँकी ६ वटा गाडी उनको निजी तथा स्वकीय सचिवालयका कर्मचारीले प्रयोग गर्दै आएका छन् ।
जसमध्ये बा.२ झ ४१२९, बा.२ झ २५०६ र बा.२ झ १०७५ नम्बरको गाडी मन्त्री त्रिपाठीले चढ्छन् भने उनको सचिवालयका कर्मचारी रमेश पाण्डेले ३९६३, विष्णु खड्का बा. १ झ ९८४७, निजी सचिव नीरज पौडेलले बा. २ झ १४०४, माधव पाण्डे बा. २ झ १६६१ नम्बरको गाडी प्रयोग गर्दै आएका छन् । त्यसैगरी बा. २ झ ३३६८ र बा. २ झ २५०४ नम्बरको गाडी पनि मन्त्रीकै नाममा राखिएको छ ।
यसबारे मन्त्रालयका प्रवक्ता वसन्त अधिकारीसँग सोध्दा उनले मन्त्रीज्यूले नै ९ वटा गाडी प्रयोग नगरेको बताएका छन् । ‘मन्त्रीज्यूले प्रयोग गर्ने जम्मा ३ वटा गाडी मात्रै हो’, उनले भने ‘बाँकी गाडी मन्त्रीज्यूले चढ्नु भएको छैन ।’
थप गाडीहरू क-कसले प्रयोग गरिरहेको छ भन्नेबारे आफूले बुझेपछि मात्रै भन्न सक्ने प्रवक्ता अधिकारीको भनाई छ ।
मन्त्रालयमा सवारी साधनदेखि इन्धनसम्मै मनपरी गर्ने मन्त्रीहरूको पुरानै रोग हो । अहिले पनि अधिकांश मन्त्रीहरूले सल्लाहकारदेखि सचिवालयका सबै कर्मचारी हुँदै आफ्ना तथा आफन्तहरूका लागि समेत सरकारी सवारी उपलब्ध गराउँदै आएका छन् । जुन सरासर गलत हो ।
सरकारले सवारी सम्बन्धी मापदण्ड नै बनाएको छ तर त्यसको पालना स्वयं कर्मचारीहरूले नै गरेका छैनन् । कति सिसीसम्मको गाडी क-कसले प्रयोग गर्ने भन्नेबारे स्पष्टै रूपमा उल्लेख गरिएको भए पनि गाडी सुविधा नै नपाउने कर्मचारीहरुलेसमेत गाडी प्रयोग गरिरहेका छन् । त्यति मात्रै होइन, केही मन्त्रालय सहसचिवहरूले समेत दुई-तीनवटैसम्म गाडी प्रयोग गरेको भेटिन्छ प्रशासन डट्कमबाट ।

कमेन्ट गर्नुहोस्
सम्बन्धित

ABC (क्राईमबिट) काठमाडौं । विश्वको सर्वोच्च शिखर सगरमाथाको सफल आरोहण गरेका सशस्त्र प्रहरी निरीक्षक सुरज पौडेललाई प्रधान कार्यालय हलचोकमा स्वागत तथा सम्मान गरिएको छ । शुक्रबार सशस्त्र प्रहरी महानिरीक्षक राजु अर्याल तथा सशस्त्र प्रहरी अतिरिक्त महानिरीक्षकहरु नारायणदत्त पौडेल, चन्द्रप्रकाश गौतम र बंशीराज दाहाल लगायत बरिष्ठ अधिकृतहरुले पर्वतारोही सशस्त्र प्रहरी निरीक्षक पौडेलको प्रधान कार्यालयमा स्वागत गर्नुभएको […]

ABC (क्राईमबिट) काठमाडौं । प्रशिक्षार्थी दरबन्दी भएका ३३५ जना प्रहरी जवानहरुको सरुवा गरिएको हो । सूचनामा जेठ महिना देखि तलव, भत्ता समेत हाल सरुवा भएको दरबन्दीबाट खाने व्यवस्था गरिएको उल्लेख छ । साथै आवश्यक कारवाही गर्नु गराउनु हुन सम्बन्धित कार्यालयहरुलाई पनि प्रहरी प्रधान कार्यालयले निर्देशन दिएको छ ।

ABC (क्राईमबिट) काठमाडौं । प्रधानमन्त्री पुष्पकमल दाहाल ‘प्रचण्ड’को प्रमुख आतिथ्यमा राष्ट्रिय प्रहरी प्रशिक्षण प्रतिष्ठान महाराजगंजमा शुक्रबार प्रहरी निरीक्षक आधारभूत तालिम १-१८२औं (पोष्ट ग्रयाजुएट डिप्लोमा इन पुलिस साइन्स १३औं) समूहको दीक्षान्त समारोह सम्पन्न भएको छ । समारोहमा प्रधानमन्त्री दाहालले तालिममा सर्वप्रथम, सर्वद्वितीय एवम् सर्वतृतीय प्रशिक्षार्थीहरुलाई पुरस्कार प्रदान गर्नुभयो । समारोहलाई सम्बोधन गर्दै प्रधानमन्त्री दाहालले कठिन र […]