प्रकशित मिति : ६ श्रावण २०७७, मंगलवार १४:५७

एबिसी संचार
बाँके मुलुकमा बढ्दो किर्ते हस्ताक्षर गरी रकम हिनामिना गरेको र बहुविवाहको घटना रोक्न अब राष्ट्रिय अनलाइन पत्रकार संघ प्रदेश नं. ५ ले सक्रिय भूमिका खेल्ने भएको छ ।
राष्ट्रिय अनलाइन पत्रकार संघ प्रदेश नं. ५ को मंगलबार बसेको बिशेष बैठकले किर्ते हस्ताक्षर र बहुविवाहको बिरूद्द प्रमाण जुटाई सम्बन्धित प्रशासन र जिल्ला प्रहरी कार्यालयमा लिखित उजुरी दिई कारवाही अघि बढाउन पहल गर्ने निर्णय गरेको छ ।
बढ्दो किर्ते हस्ताक्षर र बहुविवाहको घटनाका कारण मुलुकको हित र गलत कार्यको पर्दाफास अभियान अन्तरगत दोषीलाई नेपालको कानुन अनुसार कारवाही गराउन सरोकार निकायमा दर्ता गराउने र सरोकार निकायले पावरको हैसियतमा दर्ता गर्न नमाने वा अानाकानी गरे सम्माननीय राष्ट्रपति र सम्माननीय प्रधानमन्त्रीसमक्ष निवेदन दिई दर्ता गराउने पहल गर्ने राष्ट्रिय अनलाइन पत्रकार संघ प्रदेश नं. ५ निर्णय गरेको छ ।
यस बिषयमा राष्ट्रिय अनलाइन पत्रकार संघ प्रदेश नं. ५ अध्यक्ष उदय सिंह श्रेष्ठ भन्नुहुन्छ “गलत कार्य गर्ने पत्रकार नै किन नहोस, उजुरी दर्ता गराइ कानुनी कारवाहीको लागि पहल गराउन नोजा सक्रिय हुन्छ । किर्ते हस्ताक्षर र बहुविवाहको प्रमाण संकलन कार्य जारी छ । प्रमाण आउनासाथ नोजाले उजुरी दर्ता गर्छ । मुलुकको हित र गलत कार्यको पर्दाफास अभियानमा सम्बन्धित निकायले जिल्लामा उजुरी दर्ता गरिएन भने राजधानीमा धर्ना दिएर भएपनि उजुरी दर्ता गराइ दोषीलाई कारवाही गराउन नोजाले सक्रिय भूमिका खेल्छ ।”
राष्ट्रिय अनलाइन पत्रकार संघ प्रदेश नं. ५ को आज बसेको बिशेष बैठकमा विधिवत दर्ता भएका अनलाइनमा कार्यरत पत्रकारहरूलाई सदस्यता वितरण लगायतको निर्णय गरेको छ ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com