सागर थापा
जिल्ला प्रहरी कार्यालय दाङले ६ केजी ९६७ ग्राम लागुऔषध अफिमसहित ४ जनालाई पक्राउ गरेको छ । प्रहरीले विशेष गोप्य सूचनाको आधारमा देउखुरीको राप्ती गाउँपालिका १ भालुवाङमा रहेको दक्षिणकाली सोल्टी होटेलबाट उनीहरुलाई पक्राउ गरेको जिल्ला प्रहरी कार्यालय दाङका प्रहरी प्रमुख एसपी गणेश चन्दले जानकारी दिएका छन् ।
जिल्ला प्रहरी कार्यालय दाङले शनिवार पत्रकार सम्मेलनको आयोजना गरि पक्राउ परेका अभियुक्तहरुलाई सार्वजनिक गरेको हो । प्रहरी प्रमुख एसपी चन्दका अनुसार प्रहरीले उनीहरुको साथबाट ६ किलो ९६७ ग्राम अवैध लागुऔषध अफिम नियन्त्रणमा लिएको छ । पक्राउ पर्नेमा रोल्पा जिल्ला सुनछहरी गाउँपालिका वडा नं. ५ निवासी ३५ बर्षीय दुजबहादुर रोका, सुनछहरी गाउँपालिका–२ निवासी ३२ बर्षीय लालमन घर्तिमगर, सोही ठाउँ निवासी ३२ बर्षीय हर्कबहादुर घर्तिमगर र सोही ठाउँ निवासी २२ बर्षीय लालसिंह विकलाई पक्राउ गरेको प्रहरी प्रमुख चंन्दले जानकारी दिएका छन् ।
प्रहरीले लागुऔषध अफिमसहित उनीहरुको साथबाट लु १ च ६१७१ नम्वरको सेतो रङको बलेरो जिप,लु ४० प ९८०६ नम्वरको २२० सिसिको पल्सर मोटरसाईकल र विभिन्न कम्पनीका ५ थान मोवाइल समेत नियन्त्रणमा लिएको जिल्ला प्रहरी कार्यालय दाङले जनाएको छ । पक्राउ परेका अभियुक्तहरुलाई जिल्ला अदालतबाट लागुऔषध मुद्धामा १० दिनको म्यादथप गरि थप अनुसन्धान भैरहेको प्रहरी प्रमुख एसपी चंन्दले जानकारी दिएका छन ।

सम्बन्धित

विवाद हुँदा धनुषामा गोली चलेयो ११ जना पक्राउ

पेट्रोलियम मूल्यवृद्धि तत्काल फिर्ता नभए सडकमा उत्रने चेतावनी नेपाली उपभोक्ता संरक्षण महासंघ

प्रधानमन्त्री शेर बहादुर देउवाको भाइ प्रेम बहादुर देउवाको निधन

नेपालगन्ज वडा नम्बर ८ मा राप्रपा नेपाललेको प्यानलहरु विजयी

इप्रका तुल्सीपुर प्रहरीले लागुऔषध ब्राउन सुगरसहित ४ जना पक्राउ

बिरामी पर्न थाले काठमाडौँका मुख्य निर्वाचन अधिकृतहरु कतै राजनीनामा दिदै अधिकृतहरू