सेती नदिमा नुहाउने क्रममा दुईजना स्वास्थ्यकर्मी बेपत्ता

प्रकशित मिति : १७ श्रावण २०७७, शनिबार २०:४३

एबिसी संचार
डडेल्धुरा शिखर नगरपालिका-१० गहनान क्षेत्रबाट सेती नदिमा नुहाउने क्रममा शनिबार दुई जना स्वास्थ्यकर्मी बेपत्ता भएका छन् । डडेलधुरा अस्पताल डडेलधुरमा कार्यरत परशुराम नगरपालिका-१ घर भएका बर्ष २४ का ल्याप असीस्टेन पदमा कार्यरत हरि जोशी र सोही अस्पतालमा कार्यरत खप्तड छान्ना गाउँपालिका-५ बझाङ घर भएका हेल्थ असीस्टेन्स पदमा कार्यरत बिनय सिह नुहाउने क्रममा दिउसो करीब २ बजे तिर बेपत्ता भएका जिल्ला प्रहरी कार्यालय डोटीका प्रहरी निरिक्षक एवं सुचना अधिकारी कर्ण बोहराले जानकारी दिएका छन् ।
शनिबारको दिन पारेर डोटीको शैलेश्वरी मन्दिर दर्शन गरेर फर्किने क्रममा नदिमा नुहाउन गएको बेला बेपत्ता भएका प्रहरीले जनाएको छ । बेपत्ता स्वास्थ्यकर्मीको नेपाल प्रहरी र सशस्त्र प्रहरीले खोजी कार्य गरिरहेको छ ।

प्रकशित मिति : १७ श्रावण २०७७, शनिबार २०:४३