काेराेना महामारीमा पनि इन्धन आपूर्तिमा कुनै कमि हुन दिएका छैनौ प्रमुख :पाेख्रेल

प्रकशित मिति : २० श्रावण २०७७, मंगलवार ०८:३३

सागर थापा/बिदुर एमसी विश्वभर महामारीको रुपमा फैलिएको कोरोनाको महामारीको समयमा पनि अाफ्नाे इन्धन डिपोबाट अाम उपभोक्ताहरुलाई निरन्तर सेवा प्रवाह भएको नेपाल आयल निगम बाँकेका कार्यालय प्रमुख नवविनाेद पाेख्रेलले बताएका छन् । हप्तामा प्राय सबैजसाे दिनहरूमा अाफ्नाे इन्धन डिपोबाट सैयौ ट्याङ्करहरुबाट इन्धन ढुवानी हुने भएकोले उपभोक्ताहरुकाे मागअनुसार अापूर्ति गर्न सम्भव भएको हाे । भारतकाे उत्तर प्रदेशको गाेण्डामा रहेको डिपोबाट इन्धन ल्याएर नेपालगञ्जमा भण्डारण गर्ने र त्यहाँबाट अासपासका लगायत पहाडी जिल्लाहरुमा पनि इन्धन आपूर्ति गर्ने गरिएको इन्धन डिपोका कार्यालय प्रमुख पाेख्रेलले जानकारी गराए ।भारतमा काेराेनाकाे महामारी द्रुतगतिमा बढिरहेको अवस्थामा अाफ्ना कर्मचारीहरुले त्यति ठूलो जाेखिम माेलेर पनि इन्धन आपूर्तिमा महत्त्वपूर्ण भूमिका निभाएकोमा ट्याङ्कर, डिपो कर्मचारी र पम्पहरुलाई उनले विशेष रूपमा सम्झिए । डिपो ट्याङ्कर व्यवसायी र पम्पहरु मिलेर उपभोक्ताहरुलाई निकै ठूलो मारमा पारेका छन् नि, भन्ने सञ्चारकर्मिकाे प्रश्नको उत्तरमा यदि कहीँ कतैबाट कुनैबाट त्यस्तो अवाञ्छित क्रियाकलाप भएको भए अाफू कारवाही भाेग्न र अाफ्ना मातहतका कर्मचारीहरुलाई पनि कारबाही गर्न अाफू तत्पर रहेको प्रमुख पाेख्रेलले खुलस्त पारे । बेला बखतमा तपाईंका पम्पहरुले इन्धन छैन भनेर उपभोक्तालाई रित्तै फर्काएका पनि छन यसमा तपाईं के भन्नुहुन्छ त ? भनेर सोधिएको प्रश्नको जवाफमा डिपोका कार्यालय प्रमुख नवबिनोद पाेख्रेलले भने यदि त्यस्तो भएको छ भने हाम्रो कार्यालयमा खवर गर्नुहाेस्, हामी त्यस्ता पम्पलाई तुरुन्तै कारबाही गर्नेछौं । बजारमा इन्धन सम्बन्धि अनेकौं गुनासाहरु आएकाले एबिसी सञ्चारकर्मिहरुकाे टाेली बाँके जिल्लामा रहेको नेपाल अायल निगमको इन्धन डिपो कार्यालयमा पुगेर त्यहाँका कार्यालय प्रमुख नवविनाेद पाेख्रेलसंग समसामयिक विषयमा कुराकानी गरेको थियोे ।