महेन्द्र सिंह
बाँकेमा निषेधाज्ञा आज सकिदै गर्दा थप्ने कि हटाउने भन्नेबारेमा अधिकारीहरुले निर्णय गर्दैछन् ।
दिउँसो एक बजे जिल्लास्तरीय कोभिड–१९ संकट व्यवस्थापन केन्द्र (डीसीसीएमसी) को बैठक बस्दैछ । त्यो बैठकले निषेधाज्ञा हटाउने कि थप्ने भन्ने निर्णय गर्ने प्रमुख जिल्ला अधिकारी रामबहादुर कुरुम्बाङले जानकारी दिनुभयो ।
‘म त केही दिन बढाउने पक्षमा छु । हेरौं, बैठकले के निर्णय गर्छ, प्रमुख जिल्ला अधिकारी कुरुम्बाङले सुनपानीसँग भन्नुभयो, ढाई/तीन बजेसम्म निर्णय आउँला ।’
५ दिनमा ६२ जना कोरोना संक्रमित थपिएपछि केही दिन निषेधाज्ञा बढाएर जाने कि भन्नेबारेमा अधिकारीहरु छलफलमा छन् । एकथरी चाहि निषेधाज्ञा थप्नु भन्दा कोरोना देखिएका ठाउँलाई सील गरेर अघि बढ्नु पर्ने पक्षमा छन् । कोर एरियालाई सील गरेर अघि बढ्ने विषयमा प्रमुख जिल्ला अधिकारी कुरुम्बाङले सम्बन्धित वडाका अध्यक्षहरुसँग छलफल गरिसक्नु भएको छ ।
प्रधानमन्त्रीले समेत विज्ञहरु बोलाएर फेरि लकडाउन गर्ने कि भनेर छलफल थाल्दा समुदायस्तरमा कोरोना देखिएको बाँकेमा निषेधाज्ञा बढेमा आश्चार्य मान्नु नपर्ला ।

सम्बन्धित

SP अधिकारीको सफलता महिलाको हत्या गरि अंग बेच्ने ६ जना पक्राउ

भेरी अस्पतालमा बिरामीको चाप धेरै १२७ लाई कोरोना पुष्टि

कर्णाली प्रदेशका मुख्यमन्त्री शाही नेतृत्वको सरकार जोगियो

नयाँ ट्राफिक प्रहरी पोष्ट बर्दघाटको नवनिर्मित भवनको उदघाटन

बाँकेको भेरी अस्पतालमा उपचाररत ४९ कोरोनाको अवस्था गम्भीर

मास्क लगाउ अभियान लिएर बाँकेका सुरक्षा प्रमुखहरु सडकमा