खिमराज रिजाल
दाङको घोराही उपमहानगरपालिका वडा नं. १४ मा पिच गरेको सडक दुई महिनामै उम्किन थालेको छ ।
घोराहीको ट्राफिक चोकदेखि हस्पीटल रोड, निमाहल रोड हँुदै दुरसंचार जोड्ने सडक खण्डको राधाकृष्ण टोलमा सडक उप्कन थालेको हो ।
नाला निर्माणमा क्रममा भएको गलत डिजाइनका कारण साईमन्दिर टोलको नालाबाट बग्ने पानी बुझिएको हेमपाइपभित्रबाट हाल्दा बिच सडक फुटेर पानी बग्न थालेपछि जेठ महिनामा पिच गरिएको सडक साउन महिनामा उप्किएको हो ।
राधाकृष्ण टोल निवासी समेत रहेका दाङ जिल्ला उद्योग बाणिज्य संघका उद्योग उपाध्यक्ष बसन्त जोशीका अनुसार साई मन्दिर टोलको नाला बनाउने क्रममा बुझिएको र निकास ननिकाली नाला बनाउँदा अहिले नालाको पानी पिच सडकमै आउने गरेको बताएका छन ।
पिच सडकबाटै पानी बग्ने भएपछि प्रदेश सरकारको बजेटमा निर्माण गरिएको उक्त सडकको गणेश मन्दिरदेखि पिपलबोटसम्मको सडकको कालोपत्रे उप्किएर ठाउँ–ठाउँमा खाल्टाखुल्टी पर्न सुरु गरेको छ ।
नाला निर्माणका क्रममा भएको लापरवार्ही कारण घोराही बजारमै सडक उप्कन थालेको हो । सडकमा पानी बग्न थालेको र जसका कारण सडकको कालोपत्रे उप्किन थलोका पटक पटक सम्वन्धीत निकायमा जानकारी गराउँदासम्म कुनै पहल नभएको उपाध्यक्ष जोशीले जानकारी दिएका छन् ।
