साला अपहरण गर्ने भिनाजु पक्राउ

महेन्द्र सिंह बाँके ससुरासँग ४ लाख ८५ हजार नगद रहेको थाहा पाएपछि नेपालगञ्ज–१६ का कल्लु भन्ने कलिम खाँले आफ्नै १३ वर्षीय साला इसहाक जाकिर भन्ने इन्तजार खाँलाई अपहरण गरेका हुन् । भदौ ९ गते राती साढे आठ बजे मोहर्रम हेर्न गएको बेला कलिमले सालालाई अपहरण गरेका थिए । अपहरण गरेर उनले दुई दिन आफ्नै घरमा राखेका थिए ।
सालालाई घरमा राखेपछि ससुरालमा फोन गरेर दश लाख फिरौती मागेका थिए । बालक अपहरणमा परेको भोलीपल्ट प्रहरीलाई खबर आएको थियो । प्रहरीले रातभरी अप्रेसन चलाएर बालकको उद्धार गरेको हो ।