दाङमा भाँसिएको घोराही लमही सडक खण्ड एकतर्फी सुचारू

प्रकशित मिति : २८ भाद्र २०७७, आईतवार १७:४७

सागर थापा
दाङ लमही नगरपालिका वडा नम्बर ६ कुलमोहर देखि करिब ३ किलोमिटर जंगलमा सडक भाँसिएको छ । सडक भाँसिए पछी दुर्घटनाको जोखिम बढेको छ ।
आइतवार विहान ५ बजेको तिर सडकको दायाँ पट्टीकाे भाग पहिराे बनेर झरेपछी आवात जावातमा केही जाम बढेको छ । करिव २० मिटरको दुरीमा सडक भाँसिदा चिराचिरा परेको छ । अन्य भाग समेत भाँसिने खतरा बढेको स्थानीयहरूले बताएका छन् । समयमै सडक मर्मत नहुने हो भने पुरै सडक पहिरोले लैजाने खतरा समेत रहेको स्थानीयले बताएका छन् । सडक डिभिजन कार्यालय दाङ वडा प्रहरी कार्यालय लमही र अस्थायी ट्राफिक पाेष्ट लमहीकाे टाेली, जेसिबि सहित पुगेकाे टोलीले सडक मर्मत गरेपछि एकतर्फी बाटो सुचारु गरेको जिल्ला प्रहरी कार्यालय दाङका प्रहरी प्रमुख एसपी गणेश चंन्दले जानकारी दिनुभएको छ ।

प्रकशित मिति : २८ भाद्र २०७७, आईतवार १७:४७