२८ कार्तिक २०८३, शनिबार
14-11-2026 , Sat
×

प्रदेश हाक्दै DIG पन्त र धानुक यस्तो छ ट्रयाक रेकर्डहरु

Logo
प्रकाशित बुधबार, आश्विन २१, २०७७

सागर थापा दाङ                                                     देश संघीयतामा गएपछि नेपाल प्रहरीले पनि त्यहीँ अनुसारको संगठन पुर्नसंरचना गर्दै आएको छ। यसअघि अञ्चल प्रहरी प्रमुखमा अतिरिक्त प्रहरी महानिरीक्षक (एआईजी) बस्दै आएको थियो। संघीयतामा गएपछि अञ्चल हटेर प्रदेशमा रुपान्तरण भएको छ। प्रदेश भएयता भने प्रहरी प्रमुखमा प्रहरी नायव महानिरीक्षक (डीआईजी) प्रमुख रहने व्यवस्था भएको हो।
हाल सातवटै प्रदेशमा प्रहरी प्रमुख डीआईजी छन्। त्यसमध्ये कर्णाली प्रदेश प्रहरी प्रमुख र लुम्बिनी प्रदेश प्रमुखमा सुदूरपश्चिम प्रदेशकै दुई जना डीआईजी कार्यरत छन्। सुदूरपश्चिम प्रदेशको बैतडीका रविन्द्र धानुक लुम्बिनी प्रहरी प्रमुख हुन भने डडेल्धुराका वशन्त पन्त कर्णाली प्रदेश प्रमुख हुन्। उनीहरु दुबै जनाले एकै साथ १० बैशाखमा प्रदेश प्रमुखको जिम्मा पाएका थिए।
यस्तो छ धानुक र पन्तको ट्रयाक रेकर्ड
चैत २०४९ सालबाट प्रहरी निरीक्षकमा सेवा सुरु गरेका धानुकले प्रहरी निरीक्षक देखि एसएसपी हँुदासम्म विभिन्न ठाँउको प्रहरी प्रमुख भएर काम गरेका छन्। यसअघि एसएसपी हुँदा धानुकले सुरक्षाका हिसाबले सबैभन्दा चुनौतिपूर्ण मानिने काठमाडौं र ललितपुर जिल्लाको कमान्ड सम्हालिसकेका छन्।
उपत्यकाकै दुई जिल्ला ललितपुर र काठमाडौंको कमान्ड सम्हाल्ने प्रहरीका थोरै एसएसपी मध्येका एक हुन् धानुक। दुबै जिल्लाको शान्ति सुरक्षा मजबुत बनाएको भन्दै त्यो बेला धानुकले प्रशंसा पाएका थिए। हाल लुम्बिनी प्रदेशको शान्ति सुरक्षामासमेत उनले उलेख्य सुधारका काम गरेका छन्।
अवैध क्रसर उद्योगदेखि भारतीय सीमा क्षेत्रबाट हुने चोरी निकासी रोकथाममा धानुक निर्ममतापूर्वक लागेका छन्। ६ महिनामै धानुकले लुम्बिनी प्रदेशमा शान्ति सुरक्षा मजवुद बनाउन सफल भएको भन्दै नागरिकबाट प्रशंसा पाएका छन्। तस्करहरुसँग मिलोमतो गरेर आर्थिक लाभ लिन खोज्ने प्रहरीलाई कारबाही समेत गर्दै आएका छन्। व्यवसायीक र कमान्ड क्षमता भएका धानुक हालका आइजीपी शैलेश थापा क्षेत्री पछि हुने आईजीपीका दाबेदार समेत हुन्।
यसरीनै पन्त धानुकभन्दा एक ब्याच सिनियर हुन्। डीआईजी बढुवा भने उनीहरु सँगै भएका थिए। बैशाख २०४९ देखि प्रहरी निरीक्षकबाट सेवा सुरु गरेका पन्तले पनि यसअघि विभिन्न जिल्ला प्रमुख भएर काम गरेका छन्।
एसपी हुँदा बाँके र एससएपीमा उनले महानगरीय ट्राफिक प्रहरी प्रमुख भएर काम गरेका थिए। आफ्ना व्याचमा व्यवसायीक अधिकारी हुँदा हुँदैपनि उनी एसपीबाट एसएसपी बढुवामा पछि पारिएका थिए। ट्राफिक प्रमुखको रुपमा पन्तले उपत्यकाको ट्राफिक व्यवस्थापनमा उलेख्य सुधार गरेका थिए। कर्णाली प्रदेश प्रमुखको रुपमा पनि कर्णालीको शान्ति सुरक्षामा उलेख्य सुधार गरेका छन्।
प्रतिबन्धित नेत्रविक्रम चन्द ‘विप्लव’ समूहको आधार इलाका कर्णालीमा हालसम्म कुनै अप्रिय घटना हुन दिएका छैनन्। रुकुमको सोती घटनाका एकै गाँउका ३१ जनालाइ पक्राउ गरेर कानूनी दायरामा ल्याएको प्रशंसा पन्तलाई छ। जातीयताको नाममा जाजरकोटका नवराज विकसहित ६ जनालाई सोतीबासीले नदीमा लखेटेर हत्या गरेका थिए।
प्रहरी संगठनमा सुदूरपश्चिम प्रदेशको ठूलो योगदान छ। हालसम्म सुदूरपश्चिम प्रदेशबाट स्वर्गीय हेमबहादुर सिंहसहित मोतिलाल बोहरा र रमेशचन्द ठकुरी आईजीपी भएसकेका छन्। हालका एआईजी हरिबहादुर पाल पनि सुदूरपश्चिम दार्चुलाका हुन्।

कमेन्ट गर्नुहोस्
सम्बन्धित

  बाँके । नेपालगञ्ज उपमहानगरपालिका-२ स्थित हनुमानगढीमा १०८ फिट अग्लो भगवान् हनुमानको भव्य मूर्ति निर्माण सम्पन्न भएको छ। १४ करोड ४ लाख ६३ हजार रुपैयाँ लागतमा निर्माण गरिएको यस धार्मिक संरचनाले नेपालगञ्जको धार्मिक पहिचान, पर्यटन प्रवर्द्धन तथा स्थानीय आर्थिक गतिविधिमा थप योगदान पुर्‍याउने अपेक्षा गरिएको छ। हनुमानगढीमा भव्य मूर्ति निर्माण सम्पन्न भएपछि नेपालगञ्ज धार्मिक पर्यटनको […]

  घोराही उपमहानगरपालिका वडा नम्बर १८ मा अवस्थित घोरदौरा पछिल्लो समय आन्तरिक पर्यटकको आकर्षक गन्तव्यका रूपमा विकास हुँदै गएको छ। घोराही बजारदेखि करिब छ किलोमिटर उत्तरमा पर्ने पहाडी क्षेत्रमा अवस्थित घोरदौरा प्राकृतिक सौन्दर्य, शान्त वातावरण र रमणीय दृश्यका कारण पर्यटकीय केन्द्र बन्ने प्रचुर सम्भावना बोकेको ठाउँ हो। पहाडी भूगोल, स्वच्छ वातावरण र प्राकृतिक सुन्दरताले भरिपूर्ण […]

  बाँके । नेपालगञ्ज उपमहानगरपालिकाका विभिन्न भलाद्मी मान्यजनहरूसँग राष्ट्रिय जनमत पार्टी बुलडोजर छाप नेपालगन्जका नेता इरफान अहमद शेषद्वारा छलफल तथा अन्तरक्रिया कार्यक्रम नेपालगञ्ज उपमहानगरपालिका-८ मा सम्पन्न गरेको छ। कार्यक्रममा सहभागी प्रायः सबै सहभागीहरूले आउने स्थानीय सरकारको निर्वाचनमा बुलडोजर छापलाई सघाउने प्रतिबद्धता जनाएका छन्। नेता इरफान अहमद शेष नेपालगन्ज *राष्ट्रिय जनमत पार्टी जिन्दावाद । *बुलडोजर छाप […]