(सागर थापा/महेन्द्र सिंह) बाँके। वडा प्रहरी कार्यालय नेपालगन्जका प्रहरी प्रमुख प्रहरी निरीक्षक डिल्ली बहादुर खड्काले ट्राफिक ब्यवस्थापनको लागि जनचेतना मूलक कार्यक्रम सडकमै घुम्ती प्रशिक्षण गरिने बताएका छन । प्रहरी निरीक्षक खड्काले पार्किङको समस्या समाधानका लागि नेपालगन्ज उपमहानगरपालिकासंग समन्वय गरेर सडकको एक साइडमा वन वे पार्किङको ब्यबस्था मिलाउने तयारी रहेको बताए । नेपालगन्जमा छाडा पशु चौपाया पनि सडक खण्डकोे मुख्य चुनौति भएको बताए । सरोककारवाला निकायहरुसंगको सहकार्यमा नेपाल प्रहरी अगाडी बढ्ने प्रतिवद्धता समेत जाहेर गरे । छाडा पशु चौपायाका कारण बाँकेमा धेरै जसो दुर्घटनाका घटनाहरु बढ्दै गएको बताउँदै वडा प्रहरी निरीक्षक खड्काले दुर्घटना न्यूनीकरणका लागि सचेतनामूलक कार्यक्रम गरिनुका साथै जिल्ला ट्राफिक प्रहरी कार्यालय बाँकेसंग समन्वय गर्ने समेत उल्लेख गरे । नेपाल प्रहरी र ट्राफिक प्रहरीले विगतमा संचालन गर्दै आएका ट्राफिक ब्यबस्थापनलाई प्रभावकारी गतिविधिहरुलाई आगामी दिनहरुमा समेत निरन्तरता दिनका लागि सबैले सहयोग गर्नुपर्ने वडा प्रहरी निरीक्षक खड्काले सबैलाई अनुरोध समेत गरेका छ्न।
