(बिदुर एमसी)
दाङ । इप्रका भालुवाङले लैंगिक हिंसा विरुद्धको १६ दिने सचेतना मुलक अभियान कार्यक्रम । गन्धर्वहरुले प्रहरी कार्यालयहरुसँग सहकार्य गरी सचेतनामुलक गीत गाउँदै अभियान चलाएका छन् । लैंगिक हिंसा विरुद्ध १६ दिने अभियान चलिरहेका बेला ती गन्धर्वहरुले लैंगिक हिंसा विरुद्धको सचेतना मुलक गीत गाएर अभियान सुरु गरेका हुन् । शुक्रवार इलाका प्रहरी कार्यालय भालुवाङको सहकार्यमा राप्ती गाउँपालिका वडा नम्बर १ को पुरानो भालुवाङ बजार, पुल चोक बजार वडा नम्बर ३ को राप्ती गाउँपालिकाको कार्यालय अगाडी र सिसहनियाँ बजारमा लैंगिक हिंसा विरुद्ध सांगेतिक कार्यक्रम सम्पन्न भएको छ । गाउँपालिकाकी उपाध्यक्ष जगदम्बा कुमारी चौधरीको अध्यक्षतामा भएको कार्यक्रमको सहजीकरण ईलाका प्रहरी कार्यालय भालुवाङका प्रहरी प्रमुख प्रहरी निरिक्षक भुवन भट्टले गर्नुभएको थियोे ।