(महेन्द्र सिंह)
बाँके । नेपालगन्जमा पछिल्लो समय अबैधरुपमा भन्सार छली सामान ओसारपसार गरिरहेको नागरिकबाट जनगुनासो आए पछी जिल्ला प्रहरी कार्यालय बाँके र वडा प्रहरी कार्यालय नेपालगन्ज सक्रिय भएको छ । तस्करी हुने नाकाहरुमा प्रहरीका विभिन्न युनिट तस्कर पक्राउ गर्न गस्ती गरिरहेको छ । बाँकेका प्रहरी प्रमुख एसपी ओम बहादुर राना सक्रियरुपमा तस्करी रोक्न सहकार्यका साथ अगाडी बढेका छन् । बाँके एसपी रानाले आफ्ना सबै युनिटलाई कुनैपनि हालतमा तस्करी रोक्नुपर्ने भन्दै कडा निर्देशन दिएका छन् । उनी आफै पनि गस्ती गरिरहेका देख्न सकिन्छ ।
एसपी रानालाई ईन्फरमेसन आउने वित्तिकै आफै कुद्ने गरेको दिन र रातको मतलब छैन । बाँकेमा शान्ति, सुशासन कायम गर्नुछ ।’ एसपी रानाले भने । बाँके जिल्लामा तस्करी, घुस, कमिशन रोक्नका लागि कडा निर्देशन समेत दिएकाछन् । ‘म काम गर्न आएको हुँ, मलाई काम गरेर देखाउनुछ । जनतालाई अनुभूति दिलाउनुछ ।‘म अहोरात्र लागिरहेको छु, केही सूचना आए मलाई दिनुस्, म एक्सन लिनेछु ।’ बाँके प्रहरीले तस्करी रोक्न सक्रियता बढाएपछि भन्सार छलेर तस्करी गरेर ल्याएका मालसामानहरु दिनहुँ जसो पक्राउ गरिरहेकोछ । बङ्गुर, , कपडा, सुर्ती लगायतका भन्सार छलिका मालसामानहरु धमाधम पक्राउ गरिरहेको बाँके प्रहरी प्रमुख एसपी रानाले जानकारी दिनुभएको छ । यता वडा प्रहरी कार्यालय नेपालगन्जले भन्सार छली अबैधरुपमा लाखौं मूल्यको रागाँ र सूर्तीजन्य पदार्थ नेपालगन्जबाट नियन्त्रणमा लिएको छ । वडा प्रहरी प्रमुख प्रहरी निरीक्षक डिल्ली बहादुर खड्काको कमान्डमा खटेको गस्ती प्रहरी टोलीले नेपालगन्ज उपमहानगरपालिका वडा नम्बर २१ पुरैनाको विर्ता गाउँनजिक रहेको एसके ईट्टा भट्टा नजिकबाट ६ वटा रागाँ र नेपालगन्जको औधोगिक क्षेत्र नजिकबाट ३ बोरा सुपरपावर सूर्ती बरामद गरेको छ । भारतको बाबागञ्जबाट नेपालगन्ज ल्याइएका अबैध ६ वटा राँगा प्रहरीले नियन्त्रणमा लिएको हो । भारतीय बजारबाट सस्तोमा खरिद गरि भन्सार छलेर उतैका तस्करले नेपाल–भारत सीमा कटाउने र नेपालका तस्करले बढी मूल्यमा रागाँ बेच्ने गर्दा तस्करी हुने गरेको प्रहरीले जनाएकोछ । अबैधरुपमा ल्याइएका रागाँ नियन्त्रणमा लिन पुगेका प्रहरीलाई देख्नसाथ तस्कर रागाँ छाडेर भागेको प्रहरीले जनाएको छ । बरामद गरिएका राँगा थप कारबाहीका लागि नेपालगन्ज भन्सार कार्यालयमा बुझाइएको छ । यस्तै वडा प्रहरी कार्यालयबाट खटेको गस्ती प्रहरीको टोलीले शुक्रबार नै नेपालगन्जको औधोगिक क्षेत्रबाट ठूलो मात्रामा अबैध सूर्ती बरामद गरेकोछ । भन्सार छलेर सुर्खेत लैजान लागिएको अबैध ३ बोरा सुपरपावर सुर्ती बरामद गरेको छ । आटो रिक्सामा राखेर ल्याइएको उक्त अबैध सूर्ती बरामद गरि आवश्यक कारबाहीका लागि आज नै नेपालगन्ज भन्सार कार्यालयमा बुझाइएको छ ।
