प्रकशित मिति : ८ पुष २०७७, बुधबार १९:३६

 

(ABC Sanchar)
तनहुँ। आफ्नो परिवारलाई सुखमा पाल्छु भनेर धन कमाउन विदेश गएका पुरुषहरु श्रीमतीले धोका दिएपछि प्रहरीमा धाउन थालेका छन् । तीन वर्षको अवधिमा एकसय १७ जना पुरुषहरु श्रीमतीबाट पीडित भएको उजुरी परेको प्रहरीले जनाएको छ ।
श्रीमती धन सम्पति लिएर हराएको भन्दै खोजी गर्नका लागि प्रहरीको महिला बालबालिका तथा ज्येष्ठ नागरिक सेवा केन्द्रमा पीडित पुरुषहरुले धाउन थालेको छन् । आर्थिक वर्ष ०७६/०७७ मा २२ जनाले श्रीमतीले धन नोक्सान गरी पर पुरुषसँग लागेर हराएकाले खोजी गरी पाउँ भन्दै आएको महिला बालबालिका तथा ज्येष्ठ नागरिक सेवा केन्द्रकी निमित्त प्रमुख सुजता कार्कीले जानकारी दिनुभयो ।
श्रीमतीबाट पीडा पाउने पुरुषहरु धेरै विदेशबाट रोजगारी गरी फर्किएका छन् । ‘विदेशबाट फर्किंदा घरमा श्रीमती पनि नभएको र सम्पत्ति पनि नभएको भन्दै खोजी गर्न श्रीमतीबाट पीडित हुने श्रीमानहरू आउने क्रम बढेको छ’ निमित्त प्रमुख कार्कीले भन्नुभयो ।
आर्थिक वर्ष ०७५/०७६ मा ४० र आर्थिक वर्ष ०७४/०७५ मा ५५ जना श्रीमतीबाट पीडित भएकाे भन्दै उजुरी दिन अाएकाे कार्कीले जानकारी दिनुभयो । प्रहरीको महिला बालबालिका तथा ज्येष्ठ नागरिक सेवा केन्द्रमा धाएका हुन्। रासस


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com