प्रचण्ड र माधव समूहका विद्यार्थीहरुले निकाले मसाल जुलुस

(ABC Sanchar)
काठमाडौं । प्रचण्ड नेपाल समूहका कार्यकर्ताले केपी ओलीले संसद विघटन गरेको विरोधमा आज साँझ राँके जुलुस निकालेका छन्।

देशका विभिन्न स्थानमा प्रचण्ड–माधव समूहका विद्यार्थी नेता, कार्यकर्ताहरुले राँके जुलुस निकालेका हुन।

काठमाडौं लगायत देशका विभिन्न स्थानमा निकालिएको जुलुसलाई प्रहरीले तितरवितर पार्न खोजेपछि ढुंगा हानाहानसमेत भएको थियो।

प्रहरीले जुलुसलाई तितरवितर पार्न खोजेपछि प्रदर्शनकारीले ढुंगा हानेका थिए। यसैबीच, पोखरामा राँको सहित प्रहरीलाई ढुंगा प्रहार भएपछि तनाव सिर्जना भएको छ।