प्यूठानमा यसरी मनाईयो ११ औं गणतन्त्र दिवस

प्रकशित मिति : १५ जेष्ठ २०७५, मंगलवार १५:००

पर्यटन प्रबद्धन गर्न पदयात्रा
कमल वि.क. ।
जेठ १५, २०७५ प्यूठान । प्यूठानमा विविध कार्यक्रम गरी ११ औं गणतन्त्र स्थापना दिवस मनाईएको छ । जिल्ला सदरमुकाम खलगाँ देखि पर्यटकियस्थल मल्लारानी सम्म पदयात्रा गरि गणतन्त्र दिवस मनाईएको हो । सुनौलो विहान, चिनौं मल्लरानी भन्ने नारा सहित पर्यटकीय स्थल मल्लरानीको प्रर्वधन तथा रक्त सञ्चार केन्द्र प्यूठानको सहयोगार्थ पदयात्रा गरिएको मल्लरानी गाउँपालिकाका प्रमुख प्रशासकिय अधिकृत शोभाराम रिजालले बताउनुभयो ।
जिल्ला समन्वय समिति प्यूठाका प्रमुख केशवराज आचार्यको अध्यक्षता रहेको कार्यक्रमको प्रमुख अतिथि प्रमुख जिल्ला अधिकारी डा. कृष्ण बहादुर घिमिरे रहनुभएको थियो ।
यात्रामा पहिलो हुने पुरुष र महिलालाई मेडल तथा प्रमाण पत्रले सम्मान गरिएको छ । पुरुष तर्फ प्रथम राजेश श्रेष्ठ, द्धितिय सुदिप राई र तृतीय अन्जन श्रेष्ठ हुनुभएको छ । त्यस्तै महिला तर्फ प्रथम वृन्दा गुरुङ, द्धितिय मिना के.सी र तृतीय सुस्मिता के.सी. हुनुभएको छ ।
पैदल यात्रामा जिल्लाका प्रमुख, स्थानीय निकायका पदाधिकारी, राजनैतिक दलक प्रतिनिधि, समाजसेवी, विद्यार्थी, पत्रकार लगायत विभिन्न तहतप्काका व्यक्तित्वको सहभागीता रहेको थियो ।
जिल्ला समन्वय समिति प्यूठान, जिल्ला प्रशासन कार्यालय प्यूठानको संयोजन तथा मल्लरानी गाउँपालिका खलंगा प्यूठानको आयोजनामा कार्यक्रमको आयोजना गरिएको हो । सदरमुकाम खलंगा टुंडिखेलबाट स्थानीय झाँकी सहित सुरु भएको मल्लरानी पैदल यात्रा मल्लरानी पुगेको हो ।