(सागर थापा /महेन्द्र सिंह)
बाँके । प्रधानमन्त्री केपी शर्मा ओलीले प्रतिनिधी सभा विघटन गरे संगै अहिले बाँके जिल्लामा सुरक्षा ब्यबस्थापन ठाँउ ठाँउमा बाक्लो पारिएको छ ।
जिल्ला प्रहरी कार्यालय बाँकेका प्रहरी प्रमुख एसपी ओम बहादुर रानाले अवस्था भडकिन सक्ने र आन्दोलन चर्किन सक्ने भन्दै बाँके जिल्लाभर प्रहरी प्रमुखहरुलाई सचेत र चनाखो रहन निर्देशन दिएका छन् ।
संसद विघटनको प्रस्तावप्रति जनमानसमा आक्रोश फैंलिदै गएपछि सुरक्षा फौजलाई आवश्यक्ता अनुसारका सामाग्रीहरु तयारी अवस्थामा राख्न निर्देशन गरेका छन । नेपाल कम्युनिष्ट पार्टी नेकपाको विवादलाई लक्षित गरि बाँकेमा थप प्रहरीहरु परिचालन गरिएको छ । बाँके प्रहरी प्रमुख एसपी रानाका अनुसार अहिले विशेष गरि नेकपाको पार्टी कार्यालयका लागि समेत देशभर विवाद भइरकेको अबस्थामा बाँके जिल्लामा पनि दुई पाटीको विवाद हुन सक्ने भन्दै थप प्रहरी मुख्य बजार गाउँ चोकमा परिचालन गरिएको छ । साथै बाँके जिल्लाभरमा पार्टी कार्यालय आसपासमा बढि प्रहरीले निगरानी गरेको बाँके प्रहरी प्रमुख एसपी रानाले जानकारी दिनुभएको छ ।
