सलिम अन्सारी,प्युठान
सरुमारानी गाउपालिका वडा नम्बर ४ को कार्यालयले डिजिटल सूचना बोर्ड स्थापना गरेको छ । गाउपालिका भित्रका सूचना तथा जानकारीहरु प्रवाह गर्ने उद्देश्यले १ लाख रुपैयाँको लगानीमा वडा कार्यालयले डिजिटल सूचना बोर्ड सञ्चालन गरेको हो । वडाकार्यालयका अनुसार सूचना बोर्डमा गाउपालिका तथा वडा बाट प्रवाह हुने सेवा सुविधा,विभिन्न निर्णय,बिकास योजनाहरुको बजेट बिनियोजन, कार्यालयको बडापत्र, सूचनामूलक सन्देश, कार्यालयबाट सम्पादन भएका र हुने काम तथा गतिविधि लगायतको जानकारी तथा अन्य आधारभुत सामाग्री समेटिने छन । सरुमारानी गाउँपालिका- ४ का वडाअध्यक्ष चिन्त बहादुर सोमैले गाउपालिका र यश अन्तर्गतका वडाहरुको दैनिक गतिविधिलाई पारदर्शी ढंगवाट आम नागरिकको बिच सुचना प्रबाह गर्दै शुसासन कायम राख्नका लागि नयाँ प्रयोगको सुरुवात गरिएको बताए । सूचना बोर्डले गाउँपालिकाको वस्तुस्थितिसँगै सूचनालाई सेवाग्राहीको पहुँचमा पु¥याउन, उपभोक्ता समिति गठनदेखि योजना फछ्र्योटसम्मका सूचना सहज रुपमा प्रवाह गर्न सहयोग पुग्ने अपेक्षा गरिएको छ । कागजमा लेखेर जालीभित्र सूचना टाँस्ने प्रविधि पुरानो भइसकेकाले डिजिटल प्रविधिबाट सूचना प्रवाह गर्न यस्तो सूचना बोर्ड सञ्चालनमा ल्याइएको गाउपालिकाले जनाएको छ । सरुमारानी गाउपालिकाको केन्द्र समेत रहेको बडडाडा स्थित वडा नम्बर ४ को कार्यालयमा गदि दरवार शृजनशिल शाखाको नामबाट डिजिटल सुचना बोर्ड संचालन गरिएको हो ।
०३ जेठ २०८३, आइतबार
17-05-2026 , Sun
