बाजुरा केन्द्रबिन्दु भएर भूकम्प, प्रदेश ७ मा धक्का महसुस

बैतडी,२२ जेठ
बाजुरा केन्द्रबिन्दु भएर आज विहानै भुकम्प गएको छ । बैतडीसहित प्रदेश ७ का पहाडी जिल्लामा भूकम्पको धक्का महसुस गरिएको हो ।
भूकम्प मापन केन्द्र सुर्खेतका टेक्निकल असिस्टेन्ट तिर्थ दाहालका अनुसार बिहान ७ बजेर १९ मिनेटमा बाजुरा केन्द्रबिन्दु भएर ४ दशमलव ९ रिक्टर स्केलको भूकम्प गएको हो । बाजुरा र हुम्लाको सीमाक्षेत्र उत्तर जंगलतिर केन्द्रबिन्दु भएर गएको भूकम्पको धक्का महसुस बैतडी,दार्चुला, बझांग, बाजुरा लगायतका जिल्लामा महसुस गरिएको थियो । भूकम्पको धक्का महसुस गरिएको भएपनि कुनै क्षतीको जानकारी नआएको प्रहरीले जनाएको छ ।