राघवेन्द्र चौबे (पकडी )कपिलवस्तु -२२
कपिलवस्तुमा अवैध रुपमा गाई-गोरुकोे तस्करी बढ्दै जाँदा स्थानीय चिन्तितहरु भएको हुन ।सदरमुकामको कृष्णानगर हुँदै सीमा क्षेत्रका विभिन्न स्थानबाट गाईगोरुको अवैध तस्करी र व्यापार हुने गरेको छ।तस्करहरुले कपिलवस्तु जिल्लाका ग्रामीण वस्तीबाट ल्याईएका बुढा गाई, गोरु कपिलवस्तुलाई ट्रान्जिट प्वाईन्ट बनाएर नेपालको झापा बजार हुँदै बंगलादेश पुराउदै आएका हुन् ।मासिक रुपमा ५ हजार भन्दा बढीको संख्यामा गाई तथा गोरु तस्करी हुँदै आएको छ
। एउटा बुढो गाईको २ हजारदेखि ५ हजार रुपैयाँ सम्ममा बिक्री हुँदै आएको छ ।रातिको समयमा कपिलवस्तु हुँदै पूर्वको झापा तर्फ गाईगोरु तस्करी हुने गरेको स्थानीय बताउँछन् । यस्ता गाईगोरु खाडी मुलुक बंगलादेश पुर्याउने गरिएको छ ।नेपालमा बुढा भएका गाइगोरु बिक्री गर्न पाइँदैन । तर तस्करहरुले प्रशासनको आँखा छलेर यस्ता गाईगोरु संकलन गरी मासुका लागि बंगलादेश बजारमा पुर्याउने गरेको हुन।स्थानीयबासीले भने तस्करी नियन्त्रण गर्न प्रहरी प्रशासनले कुनै चासो नदेखाएको आरोप लगाएका छन् ।
