ABC Sanchar
काठमाडौं । झण्डै २ लाख रुपैयाँ स्रोत नखुलेको (घुस लिएको) रकमसहित रोल्पामा कार्यरत सरकारी कर्मचारी समेत गरी ४ जना पक्राउ परेका छन् ।
सडक पूर्वाधार विकास कार्यालय रोल्पाका निमित्त कार्यालय प्रमुख नविन श्रेष्ठसहित ४ जना घुस रकमसहित पक्राउ परेका हुन् ।
घुस लिएको रकम बोकेर रोल्पाबाट बुटवल तर्फ जाँदै गरेको अवस्थामा अख्तियार दूरुपयोग अनुसन्धान आयोगको बुटवलस्थित कार्यालयबाट खटिएको टोलीले उनीहरुलाई पक्राउ गरेको हो ।
अख्तियारको टोलीले निमित्त कार्यालय प्रमुख नविन श्रेष्ठ, इन्जिनियर निर्मल पन्त, सव-इन्जिनियर प्रेमकुमार बराल र सवारी चालक मानसिंह पुन मगर समेतलाई स्रोत नखुलेको नगद १ लाख ९० हजार रुपैयाँ सहित पक्राउ गरेको हो ।
बागमती प्रदेश ०१-००२ झ ५३१८ नम्बरको गाडीमा बुटवलतर्फ आउँदै गरेको अवस्थामा उनीहरुलाई रुपन्देहीको सैनामैना नगरपालिका वडा नम्बर १० स्थित पूर्व-पश्चिम लोकमार्गको कोठी वनबाट नियन्त्रणमा लिएको हो ।
घुस रकम सहित बिहीबार पक्राउ परेका चारै जनाविरुद्ध थप अनुसन्धान भइरहेको अख्तियार दूरुपयोग अनुसन्धान आयोगको केन्द्रीय कर्लयाका प्रवक्ता नारायण प्रसाद रिसालले जानकारी दिए ।
