ABC Sanchar
काठमाडौं । नेपाल मेडिकल काउन्सिलबाट चिकित्सकहरुले पाउने स्थायी दर्ता प्रमाणपत्रको लागि पेश गर्नुपर्ने निवेदनमा हस्ताक्षर गर्ने एकजना नक्कली डाक्टरलाई प्रहरीले पक्राउ गरेको छ ।

पक्राउ पर्नेमा अर्घखाँचीको मालारानी गाउँपालिका-८ घर भइ काठमाडौंको कान्ति संगममार्ग बस्ने ३६ वर्षीय जितेन्द्र पन्थी छन् । प्रन्थीलाई प्रहरीको केन्द्रीय अनुसन्धान ब्यूरो (सीआईबी)को टोलीले काठमाडौंबाट पक्राउ गरेको हो ।

नेपाल मेडिकल काउन्सिलबाट चिकित्सकहरुले लिनुपर्ने स्थायी दर्ता प्रमाण पत्रको लागि निवेदन दिने क्रममा नियमानुसार आवेदन भरेपछि फारमको अन्त्यमा काउन्सिलमा स्थायी दर्ता भएका चिकित्सकले दस्तखत गरी प्रमाणित गर्नुपर्ने प्रक्रिया छ ।

पक्राउ परेका पन्थीले डा जितेन्द्र शर्मा (एनएमसी दर्ता नम्बर २३६४) लेखी डा कृष्ण रिजालको आवेदन फारममा दस्तखत गरेर प्रमाणित गरेका थिए ।

रिजालले भरेको फर्मको अनुसन्धान गर्ने क्रममा आफूलाई डाक्टर जितेन्द्र शर्मा भन्ने पन्थीले काउन्सिलबाट लाइसेन्स प्राप्त नै नगरी सहीछाप गरी लिखतसम्बन्धी कसुर गरेको खुल्न आएको सीआईबीले जानकारी दिएको छ ।

पक्राउ परेका पन्थीविरुद्ध लिखत सम्बन्धी कसुरमा काठमाडौं जिल्ला अदालतबाट म्याद लिइ थप अनुसन्धान भइरहेको सीआईबीले जानकारी दिएको छ ।

सम्बन्धित

बालिकालाई भारत बेच्न लग्ने १ युवक वीरगञ्जबाट पक्राउ बालिकाको उद्धार

बाँकेका बरिष्ठ पत्रकार सेराज खानको ५४ औँ जन्मोत्सव कार्यक्रम सप्पन्न

राष्ट्रियसभा निर्वाचनको तयारी पुरा माघ १२ गते विहान ९ बजेदेखि मतदान हुने

दाङमा प्रहरीले लेनदेन मुद्दा र लागूऔषध मुद्दाका फरार प्रतिवादी २ जना पक्राउ

सशस्त्र प्रहरी बाँकेको कमान्ड एसपी बस्नेतले सम्हाले तस्करी नियन्त्रण गर्न निर्देशन

नेपाल प्रहरीमा थपिँदै ३ एआईजी दरबन्दी स्वीकृतसँगै बिहीबार मन्त्रिपरिषदमा पेस हुँदै