ABC Sanchar
काठमाडौँ । राष्ट्रिय सभाका मनोनीत सांसद वामदेव गौतमले नेकपा एकता राष्ट्रिय अभियानको केन्द्रीय समन्वय समिति र केन्द्रीय कार्यसम्पादन समितिलाई अन्तिम रूप दिएका छन् ।
गौतमले अभियानको सह–संयोजकमा हरि पराजुलीलाई तोकेका छन् । सचिवको जिम्मेवारी बाबुराम थापालाई दिइएको छ ।
गौतमले ‘पूर्व गुण्डा नाइके’ले परिचित एवम् गण्डकी प्रदेशका स्वतन्त्र प्रदेश सांसद दीपक मनाङे, मेनपावर व्यवसायी रघुनाथ पुरीलगायतलाई कार्यसमितिमा राखेका छन् ।
गौतमले केन्द्रीय कार्यसमितिमा आफ्नी पत्नी तुलसा थापालाई समेत राखेका छन् । गौतमले भ्रष्टाचार अभियोगमा सजाय पाएका व्यक्तिलाई पनि राखेका छन् । गौतमले विभिन्न जिल्लाहरूमा ईञ्चार्ज पनि तोकेका छन् ।
गौतमको कार्यसमितिमा गंगा चौधरी सत्गवा, इन्दिरा पन्त, डिबी कार्की, डोलबहादुर कार्की, ताजमोहम्मद मियाँ, तुलसी थापा मनोनीत भएका छन् । तुलसी थापा संयोजक गौतमकी पत्नी पनि हुन् ।
जग्गा कारोबारी प्रकाश आचार्यलाई पनि गौतमले कार्यसमितिमा राखेका छन् ।
