ABC Sanchar
काठमाडौं । अदालतको अवहेनासम्बन्धी मुद्दामा लिखित जवाफ पेश गरेर प्रधानमन्त्री केपी शर्मा ओली सर्वोच्च अदालतबाट फर्किएका छन् ।
प्रधानमन्त्री ओली बिहीबार बिहान पौने १२ बजे सर्वोच्च अदालत पुगेका थिए । प्रधानमन्त्रीले सर्वोच्च अदालतको नवनिर्मित भवनको समेत निरीक्षण गरेर फर्केका छन् ।
अदालतमा विचाराधीन अवस्थामा रहेको संसद विघटनसम्बन्धी मुद्दालाई प्रभावित पार्ने गरी अभिव्यक्ति दिएको भन्दै प्रधानमन्त्री ओलीविरुद्ध अवहेलनासम्बन्धी मुद्दा दर्ता भएको थियो ।
सर्वोच्च अदालतले अवहेलना मुद्दामा प्रधानमन्त्री ओलीलाई ७ दिनभित्र आफैं उपस्थित भएर जवाफ दिन भनेको थियो । अवहेना मुद्दामा सर्वोच्च अदालतका न्यायाधीश मनोज कुमार शर्माको माघ १५ गतेको एकल इजलासले ओलीका नाममा कारण देखाउ आदेश जारी गर्दै लिखित जवाफसिहत ७ दिन भित्र ९बाटोको म्याद बाहेक० उपस्थित हुन भनेको थियो ।
प्रधानमन्त्री ओलीले भने फागुन २ गते अदालतको पत्र बुझेका थिए
