२१ फाल्गुण २०८०, सोमबार
04-03-2024 , Mon
×

मोरङ जिल्ला अदालत परिसरबाटै २ जना थुनुवाहरु फरा

Logo
प्रकाशित मंगलबार, फाल्गुण ११, २०७७

ABC Sanchar
विराटनगर । मोरङ जिल्ला अदालत परिसरबाट २ जना थुनुवा फरार भएका छन् । लागू औषधसहित पक्राउ परेका २ जना थप अनुसन्धानका लागि म्याद थप गर्न अदालत लगिएकामा म्याद थप भइसकेपछि अदालत परिसरबाटै फरार भएका हुन् ।

अदालत परिसरबाटै फरार हुनेमा मोरङको कटहरी गाउँपालिका वडा नम्बर ४ घर भएका मुराज भनिने मनराज शेख र झापाको बिर्तामोड नगरपालिका–५ घर भएका २० वर्षीय प्रकाश चौधरी छन् ।

प्रहरीले दुवै जनालाई लागू औषधसहित पक्राउ गरेको थियो । लागू औषध मुद्दामा अदालतबाट ५ दिनको म्याद थप भएपछि हतकडी सहित उनीहरु भागेका प्रहरीले बताएको छ ।

म्याद थपपछि प्रहरीले खाजा खाने भनेपछि हातको एउटा हतकडी खोलिदिएको थियो । हतकडी खुलेपछि सोमबार दिउँसो ३:३० बजेतिर उनीहरु फरार भएका हुन् ।

खोजी गर्दा फेला नपरेपछि म्याद थप्न लिएर गएको प्रहरी टोलीले साँझ ६ बजेतिर जिल्ला प्रहरी कार्यालय मोरङमा जानकारी गराएको थियो ।

आरोपीहरु भारततर्फ भागेको हुनसक्ने प्रहरीको आशंका छ । फरार भएका थुनुवाको खोजी तीव्र पारिएको मोरङ प्रहरीका प्रवक्ता डीएसपी मानबहादुर राईले जानकारी दिए ।

लागुऔषध नियन्त्रण व्युरो विराटनगरको टोलीले शेखलाई आइतबार दिउँसो कटहरीबाट आठ ग्राम लागुऔषध ब्राउन सुगर (खैरो हेरोइन) सहित पक्राउ गरेको थियो । यस्तै, चौधरी विराटनगरको बरगाछीबाट लुपिजेसिक, डाइजेल्याब, एभिल, फेनारगनसहितका लागुऔषधसहित आइतबार पक्राउ परेका थिए ।

दुवै जनाविरुद्ध लागुऔषध ऐन अन्तर्गतको मुद्दामा अनुसन्धान अघि बढाउन प्रहरीले म्याद थप गर्न उनीहरुलाई सोमबार एउटै हतकडी लगाएर अदालत लगेको थियो ।

अदालतले म्याद थप गर्दै अनुसन्धानका लागि अनुमति दिइसकेपछि फर्काएर प्रहरी कार्यालय ल्याउने तयारी हुँदै गर्दा झुक्याएर दुवै जना फरार भएको जानकारी डीएसपी राईले दिए ।

कमेन्ट गर्नुहोस्
सम्बन्धित

(एबिसि संचार )                                                        प्रहरीले अनलाइनमार्फत ठगी गरेको आरोपमा चार जनालाई पक्राउ गरेको छ । ४९ लाख ५८ हजार ८०० रुपैयाँ ठगी गरेको खुलेपछि उनीहरूलाई पक्राउ गरिएको प्रहरीले जनाएको […]

(एबिसि संचार )                                                      ड्युटीमा रहेका ट्राफिक प्रहरीलाई बसले ठक्कर दिएर घाइते बनाएको छ ।   प्रदेश ३ –०१००५ ख ९७५५ जुनेली यातायातको बसले ठक्कर दिँदा ट्राफिक प्रहरीका सई टोपबहादुर खत्रीलाई […]

(एबिसि संचार )                                                       जुवातास खेल्ने ६ जना पक्राउ परेका छन् । पोखरा ८ मा गोपाल बस्नेतले चलाएको ग्यारेजको कोठामा उनीहरुले जुवा खेलेका हुन् ।  बस्नेतसहित पोखरा ८ सभागृह बस्ने […]