ABC Sanchar
काठमाडौं । सरकारी प्रतिबन्धपछि हालै नेकपाका महासचिव नेत्रविक्रम चन्द ‘विप्लव’ सार्वजनिक भएका छन्। शुक्रबारमात्रै खुला राजनीतिमा आएका विप्लवलाई सरकारले भीभीआईपी व्यक्तिलाई दिने सुरक्षा प्रदान गरेको छ।
गृहमन्त्रालयले विप्लवको सुरक्षामा प्रधानमन्त्री भइसकेका व्यक्तिलाई दिइने सुरक्षा प्रदान गरेको हो।
हाल विप्लवको सुरक्षामा प्रहरी निरिक्षकको कमाण्डमा १० जना सुरक्षाकर्मी खटिएका छन्।
विप्लवले हाल सम्म सांसद बन्न अस्वीकार गरेका छन् भने कुनै सरकारी पदमा समेत गएका छैनन्।
संसदीय व्यवस्थाको विकल्पमा वैज्ञानिक समाजवाद ल्याउन पर्ने भन्दै एकिकृत जनक्रान्तिको कार्यदिशामा अघि बढिरहेका विप्लवले व्यवस्था परिवर्तनका लागि हाल जनमत सँग्रह गरिनुपर्ने प्रस्ताव अघि सारेका छन्।
विप्लवको सुरक्षामा उनको दल नेकपाले गठन गरेको जनसेना समेत परिचालित छ।
सरकारले पछिल्लो समय सुरक्षा कार्यविधी बनाएर भीभीआईपीको सुरक्षा कटौती गरिरहेका बेला विद्रोही नेता विप्लवले भने उच्च श्रेणीको सुरक्षा पाएका हुन।
