प्रकशित मिति : २६ जेष्ठ २०७५, शनिबार १८:००

राम बहादुर बिश्वकर्मा, प्युठान
प्युठान नगरपालिका नम्बर ४ का अध्यक्ष लक्ष्मीप्रकास राजभण्डारीले प्लाष्टिक मुक्त वडा बनाउनुपर्नेमा जोड दिनुभएको छ।

प्युठान नगरपालिका १ र ४ को आर्थिक सहयोग तथा ग्रामिण आर्थिक बिकास मंच खलंगाको आयोजनामा ५ दिने दुना टपरी बनाउने तालिमको उद्घाटन गर्दै राजभण्डारीले भन्नुभयो- “तालिम पश्चात उद्दमी बनेका व्यक्ति समेत उत्पादित सामग्रीको बजारको अभावमा पलायन भैरहेको पाईएको छ ,अब साना तथा मझौला उद्योग विकासका लागि उत्पादित वस्तुको बजारीकरण नै अहिलेको आवश्यकता रहेकाले स्थानीय स्तरमा उत्पादित सामाग्री को बजारीकरण मा स्वयं उद्दमि र स्थानीय तह समेत लाग्नुपर्ने देखिन्छ ।”

प्युठान नगरपालिका १ का अध्यक्ष रमेश कुमार आचार्यले उद्दमशिलता बिकास गरि आत्मनिर्भर बन्न आबस्यक छ ,तालिम तालीमका लागी मात्र होइन सिप आर्जन गरि व्यावसायिक बन्नु ठुलो कुरा भएकाले उत्साहका साथ सिप आर्जन गर्न सहभागीलाई आग्रह गर्नुभयो । सीप भनेको प्रतिभा, तालिम वा अभ्यासबाट विकसित कुनै काम गर्न सक्ने क्षमता भएकाले सिप बिकास गर्नमा जोड दिनु पर्ने आयोजक सस्थाकी उपाध्यक्ष निर्मला पोखरेल ले बताउनुभयो ।
तपाईँको सीप नै सबैभन्दा ठूलो सम्पत्ति हो,हिजोकोदिनमा आफ्नो प्रयोजनका लागी हातले दुना टपरी बनाउनु हुन्थ्यो , अब तपाईंले आधुनिक प्रबिधिको प्रयोग गरि व्यापार व्यवसायको विकास गर्न अत्यावश्यक छ, उद्यमीको व्यावसायिक सीप बढ्नु नै समृद्धिको आधार हुन सक्ने पोख्रेलले बताउनुभयो । प्युठान नगरपालिका १ र ४ का १९ जना उक्त तालिममा सहभागी रहेका छन।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

9847845918

Copyright © 2015-2020 AbcSanchar.com