(सागर थापा)
सुर्खेत । ईलाका प्रहरी कार्यालय बाबियाचौरले डिउटीमा रहेका असई राजेश के.सी. र प्रहरी जवान लक्ष्मण बहादुर बिष्टलाई घुस दिन खोज्नेलाई पक्राउ गरेको छ ।
ट्राफिक प्रहरीको चेकिङ्गमा परेका बेला घुस दिएर उम्किन खोजेका दुई जनालाई प्रहरीले पक्राउ गरेको छ।
पन्चपुरी नगरपालिका ५ पालबजार स्थित ईलाका प्रहरी कार्यालय बाबियाचौर बाट खटिएको ट्राफिक प्रहरी सहितको टोलीले चेकजाँचको क्रममा घुस दिन खोज्ने पन्चपुरी नगरपालिका १० बस्ने ४६ वर्षीय चक्र टमाटा र सोही ठाउँ बस्ने ३७ बर्षिय धर्म तिरुवालाई पक्राउ गरिएको जिल्ला प्रहरी कार्यालय सुर्खेतका प्रहरी प्रवक्ता डिएसपी राम प्रसाद घर्ती मगरले जानकारी दिनुभएको छ।
पक्राउ परेका दुवै जना लाई जिल्ला प्रहरी कार्यालय सुर्खेतको हिरासतमा राखेर आवश्यक अनुसन्धान भइरहेको प्रबक्ता डिएसपी घर्तीले बताए ।
