सागर थापा, दाङ– इजाजत रद्द गरी महानगरीय अपराध महाशाखा काठमान्डौले ४ जनाको हतियार बरामद गरेको छ। विगतमा विवादास्पद व्यक्तिहरुलाई दिइएको हतियार प्रहरीले बरामद गरेको हो।वीरेन्द्रलाल श्रेष्ठ, बलराम सापकोटा ‘बले’, आङकाजी शेर्पा र रघुनाथ पुरीको हतियार प्रहरीले बरामद गरेको हो।
वीरेन्द्रलाल श्रेष्ठ प्रहरीका बिचौलिया र मिटर ब्याज धन्दाका नाइकेका रुपमा चिनिन्छन्। ‘क्यासिनो किङ’का उपनामले चिनिने बले जुवाका नाइके हुन्। विजयकुमार गच्छेदार गृहमन्त्री हुँदा उनले हतियारको लाइसेन्स लिएका थिए। हाल निलम्बनमा रहेका सहसचिव चुडामणि शर्मा काठमाडौं सिडिओ हुँदा उनलाई लाइसेन्स दिएका थिए।

गुन्डागर्दीको आरोपमा उनी विगतमा पटक पटक पक्राउ परेका थिए। त्यस्तै आङकाजी गुन्डागर्दीमा संलग्न व्यक्ति हुन् भने पुरी म्यानपावर सञ्चालक हुन्। पुरीले हतियारको दुरुपयोग गरी विभिन्न व्यक्तिहरुलाई तर्साउने गरेको प्रहरी स्रोत बताउँछ। उनीहरुले लाइसेन्स लिएका हतियार दुरुपयोग गरेकोले इजाजत रद्द गरिएको काठमाडौंका सिडिओ केदार शर्माले बताए।सिडिओ कार्यालयले इजाजत रद्द गरेपछि अपराध महाशाखाले हतियार बरामद गरेको हो।
सुरक्षा थ्रेटका नाममा उनीहरुले विगतमा लाइसेन्स लिएका थिए। सुरक्षा थ्रेटका आधारमा नभई विगतमा सोर्सफोर्सका आधारमा हतियारको लाइसेन्स दिने गरिएको थियो।

सम्बन्धित

अर्को साताबाट काठमाडौँ-दिल्ली उडानको लागि अनुमति

जाडोबाट जनधनको क्षति रोक्न जुट्न गृहमन्त्री थापाको आग्रह

एसएसपी अशोक सिंह गुन्डागर्दीविरुद्ध कडा रुपमा प्रस्तुत

निरन्तर जुलुसपछि काठमाडौं प्रशासनले भन्यो प्रदर्शन गरे कारवाही हुन्छ

डडेल्धुरामा काम गर्न नदिएको भन्दै वडाध्यक्षले दिए राजीनामा

बालुवाटारमा पत्रकारहरुलाई प्रवेश रोक सुरक्षाको कारण देखाउँदै